Ligji “Per prokurimin publik”, miratohen ndryshimet
Komisioni Parlamentar i Ekonomise miratoi dje projektligjin per disa ndryshime ne ligjin "Per prokurimin publik". Sipas kryetarit te komisionit, Edmond Spaho, “projektligji ka si qellim permiresimin e procedurave duke i dhene zgjidhje problemeve qe lidhen me blerjen e energjise elektrike si nje mall i sektorit te utiliteteve publike, me specifika te veçanta”. Ndryshimet behen pas shqetesimeve te ngritura nga KESH-i per afatet kohore, blerjet e drejtperdrejta dhe çeshtje te tjera te lidhura me kompleksitetin e blerjeve ne sektorin e energjise. Paraqitja e ndryshimeve ne nje kohe te shpejte eshte ndikuar edhe nga kerkesa per fleksibilitet prokurues nga KESH-i si furnizuesi kryesor ne vend me energji elektrike. Ndryshimet e miratuara lidhen me perfshirjen e sa me shume detajeve per procedurat ne marreveshjen kuader ku percaktohen kushtet me furnizuesit ne baze te te cilave jepen termat per blerje te veçanta. Projektligji parashikon se duke qene se pritet qe ne vendin tone te vihen shume shpejt ne funksionim burime te reja energjetike, rregullimi i blerjeve duhet te behet sipas disa rregullave te miratuara nga Keshilli i Ministrave dhe ERE.
Rikonstruktohet nenstacioni i Sharres, sot kufizime ne nje pjese te Tiranes
KESH-i ben te ditur se sot ne zonat e Komunave Ndroq, Vaqarr, Kombinat, Mezez si dhe ne nenstacionin e Selites, qe furnizon zonat e “Tiranes se Re”, ish-Bllokut, “21 Dhjetorit”, “Myslym Shyrit” dhe nje pjese te Unazes, do te kete stakime te energjise elektrike nga ora 9.00-16.00. Sipas KESH-it, kjo nderprerje lidhet me punimet ne nenstacionin e Sharres, ku KESH-i dhe Operatori i Sistemit te Transmetimit do te lidhin transformatorin e dyte 90 MV/A qe do te shtoje fuqine ne kete nenstacion. Punimet per fuqizimin e nenstacionit te Sharres nisen ne muajin tetor 2007 per shkak te mbingarkeses se vazhduar. Me fuqizimin e nenstacionit te Sharres, do te rritet siguria e furnizimit duke minimizuar ne maksimum stakimet e energjise elektrike, qe vihen re kryesisht ne zonat qe furnizohen nga nenstacioni i Selites, si pasoje e mbingarkeses, - bene te ditur burimet e KESH-it.
18 Dhjetor 2007