Ligji antiduhan, gjoba me kamatevonese per 75 subjekte

Emanuela Sako

Edhe pse shume i debatueshem, ligji antiduhan eshte ekzistues dhe duhet zbatuar nga te gjithe subjektet. Per kete arsye, Ministria e Shendetesise, ka vendosur qe 75 subjektet qe u eshte vene gjobe dhe nuk e kane paguar, do t’iu vendoset kamat-vonesa. Koordinatori Kombetar per Politikat e Kontrollit te Duhanit ne Shqiperi, Roland Shuperka, ka deklaruar se subjektet qe nuk do t’i paguajne gjobat deri ne fund te muajit nuk do t’u perseritet leja Higjieno – Sanitare, per vitin e ardhshem. Kjo, sipas tij, eshte e vetmja menyre per te zbatuar ligjin e ri kunder pirjes se duhanit ne ambientet publike. Me vendosjen e kamat-voneses per te gjitha subjektet, qe nuk i kane paguar detyrimet deri tani ka arritur ne shifren e 80 mije lekeve. “Keto jane masat e rrepta qe do te ndermerren ndaj 75 subjekteve qe kane shkelur ligjin antiduhan dhe nuk i kane shlyer ende ato. me venien ne funksion te kamat- voneses gjobat e tyre kane arritur deri ne 80 mije leke”, - u shpreh Shuperka.
Penalizimet
Penalizimet nuk do te bien vetem mbi subjektet por edhe mbi institucionet shteterore, te cilat nuk marrin masa per zbatimin korrekt te ligjit. “Veç subjekteve eshte vendosur te penalizohen te gjithe drejtuesit e Inspektoratit Sanitar Shteteror, ne te gjitha rrethet, per neglizhence ndaj zbatimit te ketij ligji”,- vijoi Shuperka. Ministria e Shendetesise, do te praktikoj menyren e denoncimeve per abuzimet me ligjin, nepermjet nje numri telefoni qe do te vihet ne dispozicion. Ndersa per duhanpiresit do te jepet asistence teknike per te lene duhanin. Megjithese ligji antiduhan ka qene shume i debatueshem dhe eshte menduar se eshte shume shpejt qe te gjeje zbatim ne Shqiperi, megjithate Ministria e Shendetesise ka nisur masat konkrete per abuzuesit.
Ligji
Ligji antiduhan u miratua nga parlamenti per here te pare ne maj te ketij viti. Ne baze te ligjit, te gjitha subjekteve; bare, restorante, ambiente te mbyllura publike e mjaft te tjera, iu eshte ndaluar lejimi i klienteve te ndiznin cigare brenda ambienteve. Pasi kjo eshte nje mase qe do te shmangte pasojat e semundjeve te ndryshme tek pacientet qe nuk e pine duhanin. Pas daljes se ligjit, shumica e subjekteve nuk e lejuan duhanin ne ambientet e tyre, por duke par kerkesat e klienteve, mospirja e duhanit u b e pashmangshme. Madje edhe kontrollet kane qene me te shpeshta, por kohet e fundit u duk zbatimi i ketij u la ne hije. Lidhur me zbatueshmerine e ligjit, Ministria e Shendetesise, veren, se pas nje fillimi te mbare ne muajt e pare, ka nje mosmirekuptim per zbatimin e ketij ligji nga drejtues institucionesh apo administratore baresh dhe restorantesh.

14 Dhjetor 2007