Fakultetet ende ne pritje te kanidaturave per dekane
Jonida Tashi
Ndersa 4 kanidatet per rektore ne Universitetin e Tiranes kane nisur fushaten e tyre zgjedhore, fakultetet jane ende ne pritje te emrave qe do ti drejtojne. Kryetari i Komisionit te Zgjedhjeve ne Universitete Enver Roshi, ka bere te ditur dje per gazeten “Albania”, se data 20 dhjetor do te jete afati i fundit per tu shpallur keto kandidatura. Sipas tij, kjo vonese ne shpalljen zyrtare te kandidaturave per dekane ne 8 fakultetet e Universitetit te Tiranes ka ardhur jo vetem nga procedurat qe duhet te ndjeke çdo kandidat, por edhe se fakultetet jane gjendure te papregatiture per keto zgjedhje. Roshi ka pohuar se aktualisht, kandidatet per dekane fakultetetesh jane duke kryer rregjistrimin dhe plotesimin e dokumentave prane Komisioneve Zgjedhore ne Fakultete(KZF). “Pasi te mbarojne keto procedura KZF-te do te sjellin emrat e kanidateve ne Komisionin Qendror te Zgjedhjeve dhe ne do te bejme perzgjedhjen e tyre. Jo çdo kandidat qe ka plotesuar dosjen mund te pranohet”, - ka sqaruar me tej Roshi. Megjithse, ne pamje te pare zgjedhjet ne universitete nuk perngjajne me zgjedhjet e pergjithshme elektorale ne vend, kete vit fushata e zgjedhjeve ne universitete po zhvillohet pothuajse njelloj me zgjedhjet politike. Kjo edhe per arsye se numri i votuesve kete vit eshte shume here me i madh se ai i zgjedhjeve te meparshme. Do te jene rreth 1800 studente qe do te marrin pjese ne zgjedhjet e 10 janarit per drejtuesit e fakulteteve ne Universitetin e Tiranes. Zgjedhja e senatit te ri te Universitetit te Tiranes do te jete nje pike problematike me vehte ne keto zgjedhje. Kreu KQZ-se Roshi, kete e shpjegon me faktin se fakultetet do te votojne per anetar senati perfaqesuesit e fakultetit te tyre. Kjo do te beje sipas tij, qe nje kandidat i cili nuk eshte pjese e nje fakulteti te mos marri asnje vote nga fakultetet, nga 8 vota qe nevojiten per tu zgjedhur anetar senati. Per kete Roshi shprehet: “Nje kandidat qe do te jete i dobet dhe pa shume perkrahje sipas kesaj menyre do te skualifikohet, sepse çdo fakultet ka te drejte te votoje vetem nje kandidat”. Megjithse, Enver Roshi ka pohuar se do perpiqet qe te luftoje çdo parregullsi qe do te hasi ne zgjedhje, nje “parregullsi” e tille do te jete e veshtire te shmanget, sepse çdo votues eshte i lire qe te votoje kandidatin qe preferon.
14 Dhjetor 2007