Ligji per Gjykaten Administrative qe mbron biznesin, miratimi pas 2 muajsh

Projektligji "Per Gjykaten Administrative", pjese e paketes se reformes per drejtesi, mbetet peng ne komisione. Serish dje, Komisioni parlamentar i Ligjeve, shtyu miratimin e ketij projekti per t'u njohur me amendamentet e sugjerimet e misionit EURALIUS dhe grupet e interesit. Ndonese parimisht dakord, anetaret e opozites ne Komisionin e Ligjeve sugjeruan qe per kete nisme te rendesishme, mendimet dhe opinionet duhet te merren dhe nga Keshilli i Larte i Drejtesise, apo grupe te tjera interesi qe preken nga kjo nisem. "Hartimi i projektligjit, i eshte nenshtruar nje konsultimi te gjere me aktoret e interesit, duke filluar nga shoqatat e biznesit, te bankave dhe gjyqesorit, te cilet do te jene dhe zbatuesit e ketij projektligji", siguroi ne mbledhje, ministri i Drejtesise Enkelejd Alibeaj, por kjo nuk mjaftoi per opoziten, e cila kerkonte me shume informacion. Sipas Alibeaj, projekti ka muaj qe po shqyrtohet dhe perfundoi ne gusht te ketij viti. Ministri u shpreh se ai iu nenshtrua analizave te hollesishme dhe sipas praktikes perendimore, u arrit ne nje produkt cilesor. Ai sqaroi se ne baze te ketij projekti te rendesishem, biznesi do te mbrohet nga praktika abuzive te administrates shteterore dhe do ta kete me te lehte dhe te shkurter, shqyrtimin e ankesave te tyre. Praktikisht, gjykimi i ceshtjeve me kete projekt, do te realizohet brenda nje afati dy mujor. Ku nje muaj, kerkon ankesa e biznesit ne Gjykaten e Shkalles se Pare dhe nje muaj me pas ne Gjykaten e Apelit.

Reforma

Miratimi i paketes se reformes ne drejtesi, duket se do te kryhet ne sesionin e fundit parlamentar, i cili nis ne janar. Me gjithe axhenden e ngjeshur ne Kuvend, deputetet duket se e kane te pamundur qe te miratojne brenda dy javeve, projektligjet qe jane pjese e reformes ne drejtesi.