Liria Ekonomike, Shqiperia shenon rritje te treguesve Eglantina Nasi

Bizneset ne Shqiperi, operojne aktualisht me nje nivel me te shtuar te lirise ekonomike se me pare. Kete e fakton Indeksi i Lirise Ekonomike, publikuar nga “Heritage Foundation” dhe “Wall Street Journal”, i cili per vitin 2013 e rendit vendin tone ne pozicionin e 58-te te listimit global mes 177 vendeve te botes. “Rezultati ekonomik i Shqiperise, eshte nje liri ne nivelin prej 65.2 dhe ka shenuar rritje me 0.1 pike. Rezultat ky, mbi mesataren boterore”, citon mes te tjerash raporti ne fjale, duke folur keshtu per nje shtim ne teresi te ketij treguesi te rendesishem per ekonomine shqiptare. Ndersa e krahasuar me 43 vendet e Evropes, Indeksi i Lirise Ekonomike e rendit Shqiperine, te 27-en. E persa i perket rajonit, mund te thuhet se vendi yne renditet i dyti per aspektin e lirise se tij ekonomike, duke u parakaluar vetem nga Maqedonia dhe lene pas, Bullgarine ne vendin 60-te me 65 pike te indeksit, Rumanine ne vendin e 59-te me 65.1 pike; Serbine ne vendin e 94-te me 58.3 pike dhe Bosnje- Hercegovinen ne vendin 103-te me 57.3 pike te indeksit te lartpermendur. Me pas, duke kaluar ne detaje, ekspertet e “Heritage Foundation” sqarojne se, ekonomia e Shqiperise ka perfituar ndjeshem nga nje dekade e fleksibilitetit dhe e hapjes ne rritje, duke e perballuar kesisoj mire edhe ndikimin e menjehershem te krizes globale ekonomike. Gjithsesi, shtojne se gjate dy viteve te fundit, megjithate, dinamizmi ekonomik eshte ngadalesuar disi. “Edhe pse shteti vazhdon te kontrolloje ndermarrjet kryesore, vecanerisht ne sektorin e energjise, ekonomia eshte kryesisht ne duart e sektorit privat. Reformat strukturore te dobishme kane perfshire privatizimin bankar, zbatimin e takes konkurruese te sheshte si dhe modernizimin e mjedisit rregullator”, vleresojne me tej hartuesit e raportit ne fjale. Duke theksuar gjithashtu se nje problem i mbetur, eshte ai se “Shqiperise ende i mungon nje sistem i qarte mbi te drejtat e prones, vecanerisht per pronesine e tokes, ku siguria e te drejtave te tokes mbetet nje problem ne zonat bregdetare ku ka potencial per zhvillimin e turizmit”. Perkeqesim ky, i cili se bashku me ate ne fushen e gjyqesorit, thuhet se eshte kompensuar gjithsesi, nga permiresimet ne lirine e te berit biznes, si edhe menaxhimin e financave publike. Kurse ne lidhje me tregun e lire, thuhet se firmat e huaja dhe ato vendase, vazhdojne qe te trajtohen ne menyre te barabarte, nje kriter ky nxites per vazhdimesine e thithjes se investimeve te huaja. Ne fund, Indeksi i Lirise Ekonomike konkludon se reformat e thella institucionale per te permiresuar rregullat ne tregun e punes, si dhe rritja e efektshmerise se sistemit gjyqesor, jane shume thelbesore per nje sukses te metejshem te ekonomise shqiptare.

LISTIMI

Hong Kongu, per te disatin vit radhazi, renditet si ekonomia me e lire ne bote, me 89.3 pike te Indeksit te Lirise Ekonomike. Pasuar me 88 pike nga Singapori. Duke vijuar me tej me Australine, Zelanden e Re, Zvicren, Kanadane etj. Kurse nder tre vendet e fundit ne kete listim, mesohet se jane renditur Ekuadori, Argjentina dhe Ukraina. Per te percaktuar nivelin e sakte te lirise ekonomike te 177 vendeve te botes, jane marre parasysh niveli i ekonomise dhe lirise tregtare, te qenit te hapur per investime, nderhyrja e shtetit ne ekonomi, si dhe faktori i korrupsionit.