Olldashi: Ne 2012-ten, u investuan 26.2 miliarde leke per rruget e vendit Eglantina Nasi
Nje progres i dukshem ne cdo sektor te transporteve dhe puneve publike, sidomos ne ate te infrastruktures rrugore. Ky ka qene bilanci i pergjithshem qe ministri i Transporteve dhe Puneve Publike, Sokol Olldashi, ka publikuar dje gjate analizes vjetore te ketij dikasteri. Duke pasqyruar me detaje te gjitha investimet dhe punimet e kryera gjate muajve te vitit 2012, ai theksoi se rruget kane qene prioriteti kryesor i tyre. Konkretisht, ai tha se ne infrastrukturen rrugore, vjet u investuan ne total 26.2 miliarde leke. Fonde keto te levruara per rehabilitimin e 50 objekteve dhe 525 kilometrave. “Filloi Autostrada Tirane-Elbasan; perfundoi ajo Levan-Vlore; Levan-Dames; si edhe Unaza e madhe e Tiranes etj”, kane qene disa nga faktet qe ai permendi lidhur me kete sektor. Per te vijuar gjithashtu me ato te sektorit te ujesjelles-kanalizimeve, mbi te cilin ministri theksoi se jane investuar ne total 9.2 miliarde leke. Fond i perdorur ky per 212 objekte, nga te cilet 88 jane te perfunduar. Duke theksuar edhe faktin tjeter se pikerisht, gjate vitit 2012 kane perfunduar edhe ndertimet ne dy impiantet e ujerave te zeza, konkretisht ai qytetit te Lezhes e Shengjinit, si edhe impianti i Durresit. Pa harruar te permende as financimin e 21 objekteve me financim te huaj, me vlere 3.489 miliard leke, si projekti i kanalizimeve te Tiranes se Madhe, ndertimi i sistemit te kanalizimeve dhe impianti i trajtimit te ujerave te zeza te Velipojes, Golemit apo Durresit; si edhe infrastrukturen komunale ne 4 qytetet, Fier, Gjirokaster, Sarande, Lezhe etj. Kurse sa i perket sektorit te strehimit, ministri Olldashi tha se “jane ndertuar gjithsej 922 apartamente te reja, deri ne dhjetor 2012, ne tete bashki te vendit”, ku Tirana kryeson me 385 dhe Durresi me 126 te tilla etj”. “Nga ana e tij, Enti Kombetar i Banesave, perfundoi kete vit 105 apartamente per te pastrehet. Por gjate vitit 2012, jane lidhur edhe 430 kontrata kredie ne kuader te Programit te “Kreditimit te lehtesuar”, tha mes te tjerash, ministri i Puneve Publike. Per te kaluar ne te dhenat e transportit detar, ai theksoi se nje arritje e vitit te kaluar, pa dyshim qe ka qene njohja me daten 26 Nentor, nga ana e Organizates Nderkombetare Detare (IMO) e dokumenteve te detareve shqiptare. Sikunder, e tille eshte konsideruar prej Olldashit edhe perfundimi i ndertimit te terminalit te pasagjereve ne Portin e Durresit, ku sipas tij, gjate vitit 2012 ky terminal u ka sherbyer rreth 800.000 pasagjereve. “U firmos kontrata per dhenien me koncesion te terminalit te kontejnereve, si dhe vazhduan punimet per kalaten e re ne Portin e Shengjinit, ndersa ne portin e Sarandes, vazhduan punimet per kalaten per anijet turistike”, tha mes te tjerash ministri. Shoqeruar edhe me te dhena progresive mbi transportin ajror. “Pas perfundimit te projektit te modernizimit te hapesires ajrore dhe ndertimit te kulles se re te kontrollit ANTA eshte certifikuar per 6 Standarde Nderkombetare. Gjate ketij viti jane realizuar rreth 173.000 mbikalime dhe rreth 20.000 ulje ngritje avionesh. Kurse ne Aeroportin Nene Tereza, kane kaluar rreth 1.664.394 pasagjere”, beri me dije gjithashtu ministri i Transporteve. Per te perfunduar me nenvizimin e shifrave mjaft pozitive mbi ecurine e procesit te legalizimeve. “Jane legalizuar 37 100 objekte, ndersa eshte miratuar kalimi i pronesise per 3 646 objekte dhe miratuar shperblimi per 1 146 pronare. Jane derdhur ne fondin e kompensimit 1 miliard leke dhe kane perfunduar procedurat per 90 000 objekte informale”, perfundoi fjalen e tij, ministri Olldashi.