Liverpool e nis me barazim
Liverpool me pamje të re u desh të pajtohet me një pikë në ndeshjen e tyre të parë të sezonit të ri në Premierligë, duke u ndalur 1-1 në shtëpi nga Sunderlandi, të dielën.
Sulmuesi uruguaian, Luis Suarez e dërgoi topin në tribuna, pas penalltisë në minutën e pestë, por ai e përmirësoi gabimin e mëparshëm duke realizuar me kokë në minutën e 12-të, pas topit të harkuar nga goditja e lirë e Charlie Adamit, njëri prej katër përforcimeve të reja që debutuan për Liverpoolin.
Një tjetër blerje e këtij afati kalimtar të verës, mesfushori Stewart Downing qëlloi shtyllën, ndërsa sulmuesi Andy Carroll shënoi, por goli i tij u anulua për një ndërhyrje të palejueshme në sulm.
Liverpool dominoi plotësisht në pjesën e parë. Mirëpo, Reds e paguan çmimin për rastet e humbura kur Ahmed El Mohomady harkoi nga krahu i djathtë, ndërsa Sebastian Larsson kërceu në mënyrë akrobatike dhe me goditje volej e mposhti portierin Pepe Reina, pak para një ore lojë.
Menaxheri i Sunderlandit, Steve Bruce mund të jetë i kënaqur me pikën e fituar në Anfield Road, por assesi strategu i Liverpoolit, Kenny Dalglish. Megjithatë, ngushëllim për të mund të shërbejë fakti se përforcimet e reja dhanë shenja inkurajuese.
Në ndeshjet e tjera, skuadra e promovuar këtë edicion në Premierligë, Quuens Park Rangers u mposht 4-0 në shtëpi nga Bolton Wanderers ndërsa Norwich City nxori një pikë me barazimin 1-1 në Wigan Athletic. Wolverhampton Wanderers fitoi 2-1 në Blackburn Rovers, ndërsa Fulham barazoi 0-0 me Aston Villën në Craven Cottage. T
ë dielën zhvillohen dy ndeshje të tjera. Kampioni Manchester United është mysafir i West Bromwich Albionit, ndërsa Stoke pret Chelsean. Të hënën, Manchester City është nikoqir i Swanseas.
Premierliga
Rezultatet
Blackburn – Wolves1 - 2
Fulham - Aston Villa0 - 0
Liverpool – Sunderland1 - 1
QPR – Bolton0 - 4
Tottenham - Everton (u shty)
Wigan – Norwich1 - 1
Newcastle – Arsenal
E diel
Stoke - Chelsea
West Brom - Man Utd
E hënë
Manc City - Swansea