Llalla takohet ne Moske me Prokurorin e Pergjithshem britanik

Kryeprokruori Adriatik Llalla, takon homologun e tij të Mbretërisë së Bashkuar dhe Uellsit, z.Dominic Grieve.
Gjatë takimit u diskutua mbi forcimin e bashkëpunimit për parandalimin e kriminalitetit shqiptar në Angli dhe zgjerimin e bashkëpunimit dy palësh në fushën e drejtësisë.
Kryeprokurori Llalla garantoi Prokurorin e Përgjithshëm britanik se autoritetet e drejtësisë shqiptare do të vijojnë me vendosmëri bashkëpunimin, sidomos në ekstradimin e shtetasve shqiptarë të dënuar ne Angli dhe për të cilët është urdhëruar kërkimi ndërkombëtar, si edhe në transferimin e shtetasve shqiptare, të cilët janë dënuar me vendim të formës së prerë në Mbretërin e Bashkuar. 
Prokurori i Përgjithshëm britanik vlerësoi bashkëpunimin me autoritetet shqiptare dhe shprehu vendosmërinë e tij për të vijuar forcimin e mëtejshëm të bashkëpunimit me strukturat shqiptare. 
Takimi i dy zyrtarëve të lartë të drejtësisë, u bë në Moskë gjatë punimeve të Konferencës së 18-të të Takimit Vjetor të Prokurorëve të Përgjithshëm, i cili po zhvillohet në Moskë.