Lohan: Shqiperia duhet te arrije standartet

Ambasadori i Komisionit Evropian ne Tirane, Helmut Lohan, i cili publikoi sot progres-raportin per Shqiperine, ne nje interviste per Top Channel ka hedhur poshte cdo mundesi qe raporti te jete negociuar me qeverine.

“Raporti nuk eshte negociuar me qeverine. Eshte nje dokument qe eshte hartuar nga KE dhe vetem nga KE. Megjithate, Komisioni e ka informuar qeverine shqiptare perpara publikimit te ketij raporti per vleresimet qe do te ishin ne te”, ka pohuar Lohan.

Duke u perqendruar tek permbajtja e raportit, ambasadori ka theksuar se qeveria shqiptare duhet te beje gjithcka per te siguruar pavaresine e institucioneve dhe per te luftuar korrupsionin.

I pyetur per zgjedhjet e ardhshme parlamentare, Lohan ka theksuar se eshte e domosdoshme qe ato te jene te lira dhe te ndershme.

“Do te kishte nje ecuri te madhe nese ne zgjedhjet e reja do kete nje klime besimi. Ne nje rast te tille rezultatet nuk do te kontestoheshin nga ndonje pale. Progres-raporti nenvizon gjithashtu nevojen per te pasur sa me shpejt nje Kod te ri Zgjedhor”, ka theksuar Lohan.

Me tej, ai ka folur edhe per integrimin e Shqiperise dhe procesin e heqjes se vizave nga vendet e BE, ku ka nenvizuar se plotesimi i standarteve per keto objektiva varen nga Shqiperia.

“KE dhe vendet anetare kane nje qendrim te qarte per kushtet qe duhet te plotesohen qe vizat te hiqen dhe e ka Shqiperia ne dore se kur do te plotesohen keto kushte”, ka shtuar Lohan.