Mbyllen deget e reja ne universitetet e rretheve

Jo vetem qe te gjithe te rinjte kane mundesi te shkojne ne universitetet publike, por nje pjese e tyre madje refuzon nje numer degesh, qe tashme i konsiderojne si te papreferuara.

Per kete arsye, mesohet se do te mbyllen pa u hapur ende disa nga deget e reja ne universitetet publike ne rrethe te ndryshme te vendit. Ne liste per t‘u mbyllur, pa provuar ende shijen e mesimdhenies, jane disa nga deget e reja te sapomiratuara me Vendim te Keshillit te Ministrave dhe propozim te Ministrise se Arsimit.

Perfaqesues te Ministrise se Arsimit bejne te ditur se do te kycen disa dege ne Universitetin e Durresit, ne Kukes, ndonese aty ka vetem filiale, ne Lushnje, por edhe ne Gjirokaster.

Kjo, per shkak se nuk plotesohet numri i studenteve te mjaftueshem per te nisur nje kurs te vlefshem studimi edhe per sa i perket kostove financiare.

Duket se hartuesit e politikave te arsimit te larte nuk kane qelluar ne shenje me kete hapje ne rrethe.

Me mire ne universitetet private se sa ne nje dege te padeshiruar ne ato publike. Me kete logjike shume te rinj kane refuzuar edhe shansin e radhes te MASH-it ne fazen e trete te regjistrimeve.

Sot shpallen edhe fituesit e kesaj faze te trete, ose ata te rinj qe do te ulen ne aulat universitare pa pasur nevoje te plotesojne ndonje kriter. Madje, perfitues i takon te jene edhe ata maturante qe si note mesatare te kater viteve te gjimnazit me veshtiresi kane mundur te arrijne noten pese.