Loja e Rames me Kolegjin, ligjerisht eshte i humbur

Eksperti i ligjit Clirim Gjata analizon skenaret e mundshem te perballjes ne Kolegjin Zgjedhor te gares per Tiranen. Ai thote se do te ishte antiligjore nje vendimmarrje Kolegji, qe do te rikthente ceshtjen serish ne Komisionin Qendror te Zgjedhjeve. “KQZ ka thene qe kerkesa per pavlefshmeri eshte jashte afatit dhe nuk mund ta shqyrtojme. Ky eshte vendimi i KQZ-se dhe pikerisht kjo po shqyrtohet, jemi brenda afatit apo jemi jashte afatit. Por ku qendron problemi? Nese Kolegji vendos te lere ne fuqi vendimin e KQZ-se, me argumentin se jane jashte afatit, edhe logjika ime si jurist e thote qe jane jashte afatit. Nese le ne fuqi vendimin e KQZ-se, gjerat jane te mbyllura dhe perfundon ketu kjo histori. Nese Kolegji vendos qe eshte brenda afatit ligjor dhe shfuqizon vendimin e KQZ-se, qe nuk e ka marre per shqyrtim, me ligj s’ka te drejte t’ia ktheje KQZ-se”- u shpreh Gjata. Kete arsyetim, Gjata e shtron edhe ne formen e nje sfide publike per juristet, per te ofruar dispoziten ligjore qe i mundeson Kolegjit te ndermarre nje hap te tille. “Le te dale nje jurist nga te gjitha fushat e drejtesise, e njeh apo jo Kodin Zgjedhor, dhe te me jape dispoziten mbi bazen e te ciles mund te kthehet ne KQZ. Vetem kur KQZ-ja s’merr fare vendim, mund te shkoje ne Kolegj dhe t’i them urdhero KQZ-ne te marre nje vendim dhe ajo e kthen dhe njeherazi e detyron KQZ-ne qe brenda 10 diteve te marre vendimin. Vetem ky rast vlen. Por, duhet te kujtojme qe KQZ e ka marre vendimin. Atehere, nese prishet ky vendim, nese quhet i paligjshem, s’mund t’i kthehet me KQZ-se, do ta shqyrtoje vete Kolegji. Por cfare do te shqyrtoje Kolegji kur keta jane terhequr nga pavlefshmeria? Pra, ne te dyja rastet jane te humbur, si po u pranua, ashtu edhe po u rrezua padia...se s’ka cfare shqyrton. Kemi te bejme me nje gabim procedural te PS qe ka terhequr kerkesen per pavlefshmeri. Ata duhet te bashkoheshin, se edhe po ta pranoje kerkesen Kolegji, ata s’kane cfare te shqyrtojne. E vetmja mundesi ngelet qe ne menyre te paligjshme Kolegji t’ia ktheje KQZ-se. Por ketu do te kishim nje shkelje te hapur te ligjit dhe Kushtetutes”, shprehet Gjata. Ai shprehet se nuk mund te kete arsye ligjore qe mund te cojne Tiranen ne rivotim per shkak te mos perputhjes se votave. “Dua t’i bej nje pyetje juristeve dhe avokateve qe e mbrojne kete variant: A ka gjasa qe te mos ndodhin perseri gabime te tilla, mos rakordime te tilla dhe rezultati te jete perseri i ngushte? Absolutisht po! Sa here do te bejme zgjedhje nje “problem” i tille do jete evident”, tha Gjata.