Luftime të ashpra në Jemen, të paktën 106 viktima

Të paktën 78 ushtarë dhe 28 militantë të Al Kaidës janë vrarë në një betejë në perëndim të Zinxhibarit, kryeqytetin e provincës së Abianit gjatë të hënës, bëjnë të ditur zyrtarë ushtarakë të Jemenit. Sulmuesit gjithashtu kanë marrë peng 5 trupa. Zyrtarët mjekësorë kanë konfirmuar shifrat e fundit të vdekjes.

Turbullirat njëvjeçare politike në shtetin e Gadishullit Arabik, të cilat sollën dorëheqjen e presidentit Ali Abdullah Saleh, pas protestave masive, u kanë mundësuar militantëve të Al Kaidës, forcimin e rrënjëve në vend, kryesisht në pjesën jugore.