Luksemburgu ratifikon protokollin e NATO-s

Luksemburgu ka ratifikuar dje Protokollin e Anëtarësimit të Shqipërisë në NATO, duke u bërë vendi i 22 që ratifikon këtë protokoll. Kuvendi dhe Ministria e Jashtme kanë përshëndetur këtë vendim si shprehje e mbështetjes së vazhdueshme të Luksemburgut për proceset e integrimit euroatlantik të Shqipërisë dhe e marrëdhënieve të shkëlqyera mes dy vendeve. Tashmë pritet ratifikimi edhe nga 4 vendet e fundit, të cilat gjithashtu kanë theksuar se shumë shpejt do të përmbyllin të gjitha procedurat e nevojshme.