MASH: Vjet, 2885 femije braktisen arsimin e detyruar Luljeta Ndoka
Fenomeni i braktisjes se shkolles ne vendin tone mbetet ende ne nivele shqetesuese, problematike kjo qe ka mberthyer edhe arsimin e detyruar 9-vjecar. Sipas burimeve zyrtare nga Ministria e Arsimit dhe e Shkences, vetem gjate vitit te shkuar, plot 2885 femije kane braktisur ndjekjen e arsimit te detyruar. Kjo shifer mendohet te jete edhe me e larte, pasi ndodh qe ne shume raste femijet te largohen nga shkolla pa marre edhe fletet e shpernguljes. Burime nga MASH bejne me dije se kontingjenti me i rrezikuar jane femijet qe vijne nga shtresat sociale me probleme dhe veshtiresi financiare, por i larte mbetet edhe numri i femijeve te paarsimuar qe i perkasin komunitetit rom. Femijet, qe jane etiketuar si braktises te shkollave, vijne nga familje me te ardhura mujore me pak se 30 mije leke ne muaj, te ardhura te cilat krahasuar me numrin e larte te anetareve te familjes, jane teper te paperballueshme per te bere nje jetese normale. Fenomeni i braktisjes prek te gjitha rrethet e vendit. Megjithate, nder zonat me te rrezikuara, sa i takon nivelit te larte te braktisjes se shkolles, rezultojne te jene Tirana, Korca, Durresi dhe Fieri. "Zyrtarisht, ne kemi nje shifer qe shkon ne 0.4 per qind te femijeve qe kane braktisur arsimin e detyruar", konfirmojne burime zyrtare te Ministrise se Arsimit dhe Shkences. Por, keto te fundit pretendojne qe per kete vit shkollor, mendohet qe fenomeni i braktisjes te jete me i ulet, per shkak se qeveria ka miratuar shperndarjen e teksteve shkollore falas per romet dhe egjiptianet. Kushtet e veshtira ekonomike raportohen te jene shkaqet kryesore qe detyrojne familjet qe te largojne femijet e tyre nga bankat e shkolles, per t'i perfshire ne forcat e punes. Realitet i cili cdo dite na shfaqet para syve, teksa shohim femije qe punojne ne rruge si shites, lares makinash apo te tjere te punesuar ne te zeze neper fabrika te ndryshme. Ndersa ne rrethet me te largeta, kryesisht ne fshatra, femijet, pasi mbarojne arsimin 9-vjecar, mbahen ne shtepi dhe pershihen ne punet e familjes. Por, te prekur nga ky fenomen shqetesues jane edhe femijet qe vijne nga komuniteti rom dhe ai egjiptian. Perfaqesuesit e sindikates se arsimit kane pohuar se fenomeni i braktisjes se shkolles mbetet shqetesues, ku me se shumti evidentohet ne zonat periferike, ne te cilat eshte vendosur popullsia e ardhur nga zonat verilindore te vendit. Ne takimet e zhvilluara me specialistet e institucioneve qeveritare, perfaqesuesit e sindikatave kane kerkuar bashkepunimin e te gjitha instancave, vecanerisht atyre te qeverisjes vendore dhe organizatave jofitimprurese, qe te ndihmojne ne krijimin e kushteve qe te rikthejne ne bankat e shkolles femijet, qe per arsye ekonomike detyrohen ta braktisin ate.