METE, 500 mijë euro gjobë CEZ-it

Ministria e Ekonomisë, Tregtisë dhe Energjetikës njoftoi se është vendosur një tjetër gjobë ndaj kompanisë CEZ, për abuzime me aparatet matëse të energjisë elektrike.

Gjoba e vendosur sot nga METE për CEZ-in kap vlerën e 500 mijë eurove. Ky është penalizmi i dytë që  ministria i vendos kompanisë së shpërndarjes.

Një javë më parë METE gjobiti kompaninë CEZ me 30 milionë lekë të reja, pas konstatimit se janë instaluar aparate matës të paverifikuar përpara përdorimit.