Majlinda Kelmendi, kampione bote në xhudo

Pas katër fitoreve radhazi, xhudistja kosovare, e cila prej një viti mban pasaportën shqiptare, arriti në finale, ku përballë kishte izraeliten Levi Shahar. Drejtuesit e Federatës Shqiptare të Xhudos, të pranishëm në kampionatin botëror të femrave të zhvilluar në Paris, thanë se ndeshja më e vështirë për Kelmendin ishte gjysmëfinalja kundër japonezes Ciho Kagaja.

Suksesi në këtë eveniment është më i madhi jo vetëm për sportisten, por edhe për sportin e xhudos në Shqipëri. Qëllimi kryesor i Majlinda Kelmendit është pjesëmarrja në ekipin që do të përfaqësojë vendin tonë në Lojërat Olimpike të Londrës në vitin 2012.