Makina perplaset me fadromen, vdesin kunatat, plagoset shoferi

Korce- Perplasja e nje autoveture me fadromen ka sjelle bilanc tragjik ne aksidentin e mbremshem ne aksin Korce-Pogradec. Dy gra, pjesetare te nje familje, kane mbetur te vdekura, nderkohe qe u plagos rende dhe drejtuesi i mjetit. Burime te policise se Korces bene te ditur se aksidenti ndodhi rreth ores 19:30 te mbremjes se djeshme, ne afersi te fshatit Lumalas. Nje autoveture tip "Benz", me targa KO 4643 B, qe drejtohej nga 45 vjecari Ymerli Xhemollari, eshte perplasur pas nje fadrome, e cila ishte e parkuar ne ane te rruges qe eshte ne rikonstruksion. Goditja ka qene fatale per 44 vjecaren Aishe Xhemollari, bashkeshortja e drejtuesit te mjetit dhe e 24 vjecares Tefta Xhemollari, te cilat gjeten vdekje te menjehershme. Nderkohe u krye shoqerimi i drejtuesit te mjetit per ne spitalin e Korces, ku ndodhet ne gjendje te rende shendetesore. Burime te policise bejne te ditur se nga hetimet paraprake rezultoi se drejtuesi i mjetit, qe udhetonte nga Korca per ne Pogradec, teksa drejtonte makinen, nuk kishte vene re nje tabele qe tregonte "devijim te detyruar". Per pasoje shoferi ka shkaktuar perplasjen fatale me fadromen e firmes qe kryen rikonstruksionin e rruges. Kane qene disa banore te fshatit Lumalas qe kane tentuar t'u vijne ne ndihme viktimave. Sipas deklarimeve qe ata i kane dhene policise, dy grate, kunata me njera-tjetren, kishin gjetur vdekjen e e menjehershme. Nderkohe mesohet se drejtuesi i mjetit u dergua per ndihme mjekesore ne spitalin e Korces. Per shkak te pamjes se kufizuar nga erresira, u kryen vetem veprimet paraprake nga ana e policise, kurse keqyrja e hollesishme e vendngjarjes mesohet se do te kryhet vetem diten e sotme nga ana e eksperteve, qe do te analizojne gjurmet e lena nga drejtuesi i mjetit per matjen e shpejtesise ne momentin fatal.

D.Zisi