Makina shtyp 6-vjecarin ne unaze

Elbasan- Aksidentohet me vdekje nje i mitur ne Elbasan. Ngjarja ndodhi dje ne oren 13:00 ne lagjen "Emin Matraxhiu", ne unazen jugore te Elbasanit. Nje automjet tip "Golf" me targe EL 7293 C, i drejtuar nga Gjino Leku, 20 vjec, ka aksidentuar me vdekje 6-vjecarin me inicialet N. B., me banim ne kete lagje. Femijet kane qene duke kaluar superstraden per t'u futur poshte ures se hekurudhes, kur automjeti ka goditur te miturin. Vogelushi eshte derguar me shpejtesi ne spital, por me gjithe ndihmen e marre nuk ka mundur te mbijetoje. Ndersa autori eshte shoqeruar per ne polici, ne vendin e ngjarjes shkuan policia dhe ekspertet. Sipas te dhenave te para, shkak i aksidentit ka qene nderprerja e rruges dhe hutimi i vogelushit, ndersa automjeti po levizte ne kete aks rrugor. Unaza jugore e Elbasanit konsiderohet si aksi me problematik ne kete qytet pasi femijet dhe banoret e lagjes "Emin Matraxhiu" duhet te kalojne hekurudhen dhe superstraden per te shkuar dhe per tu kthyer nga Elbasani. Ne unaze mungojne mbikalimet dhe cdo vit ndodhin aksidente me pasoja tragjike per jeten e qytetareve. Vetem vitin e kaluar ne kete aks ndodhen 8 aksidente me pasoje vdekjen e dy kembesoreve.

F. S.