Makinat, nis taksa e pergjysmuar Eglantina Nasi

Fillimi i kesaj jave, duket se ka nisur mbare per te gjithe drejtuesit e makinave. Sidomos per ata qe mbartin detyrime te papaguara te takses se tyre vjetore. Pasi qe dje, ka nisur zyrtarisht afati i zbatimit te mase lehtesuese te qeverise per pergjysmimin e ketyre detyrimeve. E miratuar para pak javesh nga qeveria e me pas nga Parlamenti, ne kuadrin e ndryshimeve ne ligjin ekzistues “Per taksat kombetare”, kjo mase lehtesuese parashikon ne praktike pagesen e vetem gjysmes se detyrimit te prapambetur per mospagese te takses vjetore te makines. E pikerisht, kjo gje ka bere qe mjaft qytetare te paraqiten ne sportelin perkates per ta shlyer ate. Dhe ne kuadrin e kesaj, Drejtoria e Pergjithshme e Sherbimeve te Transportit Rrugor, duket se eshte angazhuar duke marre masa paraprake ne menyre qe te perballohet fluksi i larte i qytetareve te interesuar per te perfituar nga kjo mase. “Ne i kemi marre masat qe qytetareve t’u sherbehet ne nje kohe sa me te shpejte. Kryesisht, paguhen taksat e vitit 2013, por ka dhe nga ata qe paguajne per vitet e kaluara”, - ka deklaruar per mediet, pergjegjesi i sektorit te taksave, ne kete institucion, Ermal Ademi. Nga ana tjeter, edhe permes faqes se saj te internetit, Drejtoria e Pergjithshme e Sherbimeve te Transportit Rrugor, i fton qytetaret qe te perfitojne nga masa e fundit lehtesuese e vene tashme ne zbatim. “Ne daten 20 maj 2013 fillon pagesa e taksave te mjeteve te perdorura sipas ligjit “ Per disa ndryshime dhe shtesa ne ligjin nr. 9975, date 28.7.2008 “ Per taksat kombetare ”, te ndryshuar. Per te gjithe qytetaret qe do te paguajne detyrimin brenda dates 30.06.2013 nuk do te aplikohet kamatevonesa. Nxitoni te paguani detyrimet per mjetet ne pronesine tuaj!”,- eshte thirrja publike qe ajo u drejton permes saj, gjithe qytetareve. Kujtojme se projekti ne fjale, parashikon mes te tjerash, pergjysmimin e takses fikse per karburantin, nga 25 leke ne 12.5 leke per naften dhe nga 20 leke, ne 10 leke per benzinen. Ku formula e llogaritjes se takses vjetore shumezon cilindraten e motorit te makines me koeficentin e vjetersise dhe me taksen fikse per llojin e karburantit. Dhe ne kete menyre, perfitohet nje pergjysmim i pageses se takses vjetore per cdo makine. Por masa lehtesuese e qeverise parashikon nder te tjera qe krahas veturave dhe fugoneve, te perfitojne edhe kamionet apo autobuset.

THIRRJA

“Ne daten 20 maj 2013 fillon pagesa e taksave te mjeteve te perdorura sipas ligjit “ Per disa ndryshime dhe shtesa ne ligjin nr. 9975, date 28.7.2008 “ Per taksat kombetare ”, te ndryshuar. Per te gjithe qytetaret qe do te paguajne detyrimin brenda dates 30.06.2013 nuk do te aplikohet kamatevonesa. Nxitoni te paguani detyrimet per mjetet ne pronesine tuaj!”,- eshte thirrja publike qe Drejtoria e Pergjithshme e Sherbimeve te Transportit Rrugor, u drejton qytetareve per te perfituar nga masa lehtesuese e qeverise