Malaj: Kongresi si do te perdoret nga Rama Qamil Xhani

Deputeti i Partise Socialiste, Arben Malaj, deklaron se pritshmerine e kongresit te 5 Nentorit, nuk jane hartimi i nje strategjie fituese, por kontrolli i forumeve te Partise Socialiste. “Nuk shpresoj qe ne kongres do te ndodhe dicka e vecante. Fatkeqesisht, vazhdon te mbisundoje mentaliteti qe te kufizohet "liria e tepert", te kontrollohet cdo forum i PS-se, nen pretekstin se vetem keshtu e mundim Berishen”,- shprehet deputeti Malaj, ne faqen e tij zyrtare te internetit. Sipas tij, PS po kerkon qe te mposhte mazhorancen, duke krijuar nje model te ngjashem me Partine Demokratike. Ndersa shton se prej 6 vjetesh, opozita ka ngritur vetem strategji deshtuese. “E verteta ne keto 6 vjet, rezulton deshtuese. Ndaj PS-ja duhet te rritet vete si forca me moderne dhe me e madhe politike. Kjo kerkon jo sundim te strukturave, por me shume liri, vetem liria bashkon me shume anetare dhe mbeshtetes. Kjo arrihet duke i respektuar te gjithe dhe jo duke i rreshtuar ata nen nje unitet dhe disipline formale. PS duhet ta munde Berishen duke krijuar avantazhe te qarta dhe te plota, jo duke kopjuar modelin Berisha”,- thote Malaj ne pergjigje te interesit te qytetareve ne lidhje me pritshmerite e kongresit te selise roze. Nisur nga kjo, Malaj shprehet se gjasat jane qe kongresi te perdoret nga lidershipi i PS-se per ambiciet personale dhe jo per t’u dhene nje shprese shqiptareve, qe jane te pakenaqur me qeverisjen aktuale. “PS duhet ta munde qeverine Berisha, jo ne funksion te ambicieve personale te individeve te ndryshem, por ne detyrim te se ardhmes te te gjithe shqiptareve. Nuk besoj se kongresi do te bazohet te strategjia e fitores se PS-se. Ai tenton te keqperdoret, sic ka ndodhur deri tani me PS-ne ne funksion te ambicieve personale”,- thote Malaj. Ai shton: “Keqperdorimi i solidaritetit te socialisteve, ne funksion vetem te ambicies personale, na ka sjelle deshtime te perseritura”. Malaj shton se duhet nje strategji fituese, pasi opozita nuk mund te justifikohet me elektoratin e saj. “Nuk mund t’u justifikohemi socialisteve se ne fituam, por ata na i vodhen votat. Apo PS eshte partia me e madhe politike ne vend, por mbetet perhere ne opozite dhe socialistet mbeten nen qeverisjen e keqe te PD-se, per 8 vjet. Ky eshte thelbi i ndryshimit ne diskutimet dhe angazhimet tona”,- thote Malaj.