Part-time, shtyhen me nje jave aplikimet

Aplikimet per studimet me kohe te pjesshme jane shtyre edhe per nje jave tjeter, ne disa prej fakulteteve te Universitetit te Tiranes. Dekani i Fakultetit te Historise dhe Filologjise, Shezai Rrokaj, shprehet se aplikimet nuk kane perfunduar me date 21, sikurse e parashikon rregullorja. "Vendosem shtyrjen e tyre edhe per nje jave, duke pasur parasysh numrin e ulet te kandidateve qe u regjistruan. Kjo do te thote se te gjithe te interesuarit kane mundesi qe te regjistrohen pergjate ketyre 3 diteve qe kane mbetur deri ne perfundimin e afatit te aplikimeve ne studimet part-time",- thote Rrokaj. Mesohet se edhe disa fakultete te tjera kane vendosur shtyrjen e afatit me qellimin plotesimin e numrit te aplikanteve. Kesisoj, duket se ata qe kane aplikuar, e kane te sigurt fitoren, per arsye te mungeses se konkurrences. Ndaj, duket se edhe shpallja e rezultateve do te shtyhet, pasi me pare ishte parashikuar qe ato te shpalleshin me date 27, por kjo gje nuk eshte e mundur tashme. Sipas udhezimit te fundit per studimet me kohe te pjesshme, aplikimi i kandidateve do te behet prej ores 08.00 deri ne 16.00, prane sekretarive mesimore te fakulteteve. Jane nje sere dokumentesh qe duhet te dorezojne kandidatet, per te bere aplikimin. Por, ndryshe nga sa pritej, ne udhezim nuk theksohet domosdoshmeria e dhenies se dy provimeve me zgjedhje, por diploma e matures shteterore. Duke qene se kete vit, te 4 provimet kane qene te "detyruara", atehere nje gje te tille e kuptojme te kerkesa qe jepet ne udhezim per studentet te cilet kane perfunduar maturen para vitit 2011. Kesisoj, per kete kategori vertet kerkohet deftesa e pjekurise, por nuk thuhet qe kerkohet edhe deshmi e dhenies se provimeve me zgjedhje. Per te aplikuar, kandidati duhet te paraqese nje fotokopje te noterizuar te diplomes se matures shteterore dhe certifikates se notave, ose te ndonje deftese apo diplome tjeter studimi, te fituar jashte vendit, te barasvlershme me te ne Shqiperi.