Malaj ngre zerin per krize ekonomike

Partia Socialiste paralajmeroi dje rrezikun qe i kanoset Shqiperise si pasoje e krizes globale ekonomike, si dhe kritikoi qeverine qe nuk po merr asnje mase per parandalimin e saj. Nenkryetari i Komisionit te Ekonomise, Arben Malaj, akuzoi dje qeverine si te paafte, per te reduktuar pasojat e krizes ekonomike qe i eshte afruar ekonomise shqiptare. "Me mashtrimin e rritjes ekonomike, konstatohet, se sa me shume qeveria i deformon shifrat, aq me pak ajo ndjen pergjegjesi per realitetin dhe risqet e ekonomise sone. Sa me shume zbukuron realitetin e ekonomise, aq me vone ajo ndermerr hapat e domosdoshme per ta reduktuar rrezikun e krizes globale", u shpreh Malaj. Sipas tij, ne keto kushte, qeveria nuk po merr asnje mase per te lehtesuar biznesin nga cdo veshtiresi dhe abuzim ne kete situate te veshtire, per te reduktuar efektet ekonomike sociale dhe psikologjike tek shqiptaret dhe mbi pritshmerite ne ekonomine. "Kjo politike ekonomike, vetem e fsheh situaten e veshtire, duke e bere me te rende dhe me te gjate. Cdo qeveri qe e fsheh situaten e krizes perpara zgjedhjeve, duke shpresuar ta menaxhoje ate pas zgjedhjeve, sjell kosto me te rende per taksapaguesit e vendit te saj", vijoi Malaj. Socialisti theksoi, se sa me shume afrohen zgjedhjet, aq me shume miliona dollare keqperdoren per te fshehur realitetin ekonomik.