Maldini: Tri pikë për kampionatin

“Të shtunën do të jem në tribunën e “San Siros”. E kisha me gjysmë mendje për të shkuar, por më telefonoi Leonardo dhe më ftoi. Tani nuk kam asnjë dyshim. Më pëlqen ta shikoj Milanin si tifoz.”

Pa Ibrën dhe Kakanë, kush humbet më shumë? “Interi, megjithëse ka blerë lojtarë shumë të fortë, humbi lojtarin të cilit i besonte më tepër. Gjithashtu, nuk janë më në skuadër as Adriano dhe Kruz, që i zgjidhnin momentet e vështira me forcë fizike dhe luftën në ajër. Por është Eto, që për mua mbetet prej vitesh sulmuesi më i mirë në botë.”

Parashikimi në lidhje me rezultatin e derbit? “Do të jetë një rezultat i ngushtë, por nëse Milani mund Interin, mund të mendojë për fitimin e kampionatit.”