Mancini: Edhe ne mund të mposhtemi

Trajneri i Manchester Cityt, Roberto Mancini, thotë se ata e dinë se mund të humbasin ndonjë ndeshje.

City kaloi në avantazh të hershëm në Stamford Bridge përmes një goli të shënuar nga Mario Balotelli, por humbi avantazhin që në pjesën e parë pas golit të barazimit të Raul Meireles. Fitoren Bluve ua solli zëvendësuesi Frank Lampard nga penaltia në fund të pjesës së dytë.

“Ne ende jemi në krye. Ne e dimë se ishte një mundësi për të humbur një ndeshje. Por ne shpresojmë se pas kësaj ne do të barazojmë ose fitojmë ndeshjet e mbetura”.

“Lojtarët e Chelseat ishin vërtet të kënaqur pasi na mposhtën ne. Kjo tregon se ne jemi top-ekipi për momentin dhe se të gjitha ekipet dëshirojnë të na mposhtin, dhe kjo është e rëndësishme për ne. Ne ia dolëm mirë deri tani dhe duhet të vazhdojmë. Shpresoj se ne mund të vazhdojmë edhe 14 ndeshje pa humbje”, ka deklaruar Mancini për Sky Sports.