Mancini injoron kritikat
Menaxheri i Manchester Cityt, Roberto Mancini ka insistuar se nuk është i interesuar për mendimet e kritikëve të tij.
Mancini fitoi titullin e Premierligës stinorin e shkuar dhe ka bërë nismë pa humbje në edicionin e ri. Mirëpo, italiani është kritikuar për rezultatet e dobëta të ekipit në tri ndeshjet e para të Ligës së Kampionëve ku City ka vetëm një pikë dhe gjendet në pozitën e fundit në Grupin D.
“Nuk i lexoj gazetat. E di mirë punën time dhe e di kur gaboj ose bëjë diçka tjetër. Për këtë flas me klubin, kryetarin dhe stafin tim. Të tjerët nuk janë të rëndësishëm”, deklaroi Mancini për Sy Sports News.