"Mandatin e dyte, rritje pagave te mjekesise"

Kryeministri Berisha premtoi dje se dhe ne mandatin e dyte qeverises se tij, do te vazhdohej cdo vit me rritjen e pagave per infermieret dhe mjeket ne te gjithe vendin. Kete deklarate kreu i qeverise e beri gjate fjales se mbajtur ne punimet e Konferences Kombetare te Infermierise, e cila zhvillohet ne mbyllje te Muajit te Infermierit. Sipas Berishes, puna e infermierit eshte me e veshtira, me delikatja dhe shperblimi ishte i papranueshem. Kreu i qeverise, deklaroi se garanci per rritjen e pagave jepte dyfishimi qe i kishte bere qeveria pagave te kesaj kategorie ne kater vitet e qeverisjes se saj. "Une ju garantoj ju, se ky proces do te vazhdoje me vendosmeri te madhe, sepse ju e meritoni plotesisht shperblimin per punen qe beni. Kemi kapur nje stacion te mire, sepse dyfishimi ne kater vjet eshte me e shumta qe mund te bejme. Por, ne do te vazhdojme perseri me rritjen e pagave per mjeket edhe per infermieret", premtoi kryeministri Berisha, gjate fjales se tij, perpara infermiereve dhe mjekeve te mbledhur ne salle. Sipas Berishes, reforma ne sistemin e shendetesise, nuk mund te ishte e plote pa rritjen e pagave per punonjesit e mjekesise. "Ju ne thelb dhe ne te vertete, duhet te jeni menaxheret e vertete te sistemit shendetesor. Ja sepse ne do t'i kushtojme nje rendesi shume te madhe", tha Berisha.