Bumci: Kallezim penal per ish-sekretaren ne Ministri

Ish-ministri i Drejtesise, Aldo Bumci deklaroi dje se do te bente kallezim penal per deshmi te rreme te ish-sekretares se tij, qe sipas disa medieve ka deklaruar ne prokurori se shkrimi mbi nje projektligj per fabriken e demontimit ne Gerdec, ishte i tij. Ne nje konference per mediat, pas shkrimeve ne disa media, deputeti i PD-se deklaroi se e gjithe historia, se ai i kishte cuar me faks nje projektligj perpara se ta kalonte ne qeveri, djalit te kryeministrit Berisha, Shkelzen Berishes, ishte nje trillim i paster i opozites se drejtuar nga kryetari i PS-se, Edi Rama. Sipas Bumcit, trillimi dhe shpikjet jane te vetmet alternativa qe sjell opozita e sotme. "Si rrjedhim pervec kesaj dalje publike, une do te ngre padi penale per deshmi te rreme. Ashtu si e gjithe kjo histori, kjo eshte nje deshmi e rreme, per te cilen une do te bej kallezim penal per deshmi te rreme", deklaroi zedhenesi i grupit parlamentare te PD-se, ne nje konference per mediat. Bumci e konsideroi shkrimet si historira te shemtuara, qe tregonin mjerimin e opozites. Sipas tij, gjate kohes qe ka qene minister i Drejtesise ka mbajtur vetem marredhenie institucionale dhe ne asnje rast nuk eshte konsultuar me persona privat.