Mandela dërgohet në spital

Zyrtarët thanë se Mandela prej kohësh vuante nga shqetësime në stomak, shqetësime për të cilat mjekët thanë se duhet të trajtohen në mënyrën e duhur nga specialistët.

Burri i shtetit 93-vjeçar dhe ikona e aparteidit ka vuajtur nga përkeqësimi në vazhdimësi i shëndetit gjatë viteve të fundit.

Presidenti i Afrikës së Jugut, Jakob Zuma, tha se populli i Afrikës së Jugut dhe i të gjithë botës ishte me Mandelën në këto momente. Me anë të një komunikate, ai kërkoi që Mandela dhe familja e tij të liheshin në privatësi.

Nelson Mandela ishte President i Afrikës së Jugut nga viti 1994 deri në vitin 1999./Start/F. P/

                                                                                             2012-02-25 10:30