Manskuria me ujesjelles te ri, 4 milione dollare investim
Kryeministri Sali Berisha ka inauguruar diten e djeshme ujesjellesin e ri te Manskurise, nje investim shqiptaro-gjerman me vlere 4 milione euro. Ujesjellesi i Manskurise parasheh te mbuloje furnizimin me uje te qytetit te Kavajes, zonave rurale perreth tij dhe plazhit te Golemit ne menyre te pavarur nga Durresi. Kryeministri Berisha, duke pershendetur ne kete ceremoni perfundimin e ndertimit te ujesjellesit te Manskurise, falenderoi qeverine gjermane per mbeshtetjen e vazhdueshme qe po jep per ndertimin e disa veprave te rendesishme ne vend. “Ujesjellesi i Manskurise eshte nje veper shume e rendesishme ujore, nje dhurate e qeverise gjermane qe nepermjet Bankes per Zhvillim ka financuar kete projekt, se bashku me pjesemarrjen e qeverise shqiptare, si nje nga projektet e shumta te furnizimit te shqiptareve me uje dhe kanalizimet qe shtrihen nga Kruma ne Korçe dhe ne tere territorin e vendit”, - tha kryeministri. Ndihma e qeverise gjermane gjate ketyre viteve arrin ne vleren e rreth 700 milione eurove dhe i vendos shqiptaret ne krye te te gjitha kombeve persa i perket ndihmes se ketij vendi per fryme. Te pranishem ne kete ceremoni ishin zevendesambasadori i Republikes Federale Gjermane ne Tirane, Jan Rudolph, ministri i Transporteve, Sokol Olldashi, kryetari i Bashkise se Kavajes etj.
19 Dhjetor 2007