Marrëveshja e reciprocitetit, METE: Kosova po zbaton CEFTA-n

Qeveria e Shqipërisë e mbështet dhe mirëkupton parimin e reciprocitetit të ndërmarrë nga Republika e Kosovës me Serbinë. Kështu deklaroi, zv/ministri i Ekonomisë, Tregëtisë dhe Energjitikës, Eno Bozdo përgjatë një takimi të mbajtur me ministrin e zhvillimit ekonomik të Kosovës.
 

Ndër të tjera, Bozdo pohoi se parimi i reciprocitetit është brenda të gjithë mekanizmave, që marrëveshja tregtare e “Cefta”-s ka parashikuar. E ndërsa ministri kosovar Besim Beqaj, u shpreh se ka ardhur koha t`i jepet më shumë hapësirë bizneseve të dy vendeve.
 

Përgjatë takimit, u diskutua edhe për bashkëpunimin e mëtejshëm, ndërmjet dy shteteve në sektorin energjitik. Kosova është duke planifikuar prodhimet alternative të energjisë elektrike në vitin 2020, një plan ky që kërkon bashkëpunimin në nivel rajonal.