Marrëveshja me Greqinë, G99 proteston para Kuvendit

Lëvizja G99 ka protestuar vetëm një orë para mbledhjes së parlamentit kundër marrëveshjes për ndarjen e ujrave detare me Greqinë. Kreu i G99-ës Erjon Veliaj i bëri thirrje qeverisë që të mos luante me territorin e Shqipërisë. Veliaj ftoi të gjithë shqiptarët që të ngrihen kundër kësaj padrejtësie.
Marrëveshja për ndarjen e ujrave territoriale ka qenë një tjetër element i acarimit të marrdhënieve midis qeverisë dhe opozitës. Kjo marrëveshje përbën edhe një prej kërkesave të opozitës për kthimin në parlament.