Masakron punonjesen e pasaportave

Tepelene- Shkon per t'u sqaruar me punonjesen e "Aleatit", pasi dyshonte se i kishte ofenduar nenen, por debati perfundon ne rrahje me grushta. Ngjarja ka ndodhur dy dite me pare ne ambientet e Bashkise se Tepelenes kur Kastriot Meta ka qelluar punonjesen A.C. I riu eshte arrestuar ne flagrance, ndersa akuzohet se ka konsumuar vepren penale te "goditjes per shkak te detyres".
Ngjarja
Ora shenonte 14:00, e dy diteve me pare, kur Kastriot Meta, 30-vjec ka shkuar ne ambientet e Bashkise Tepelene, duke hyre ne zyrat e kompanise "Aleat", ku aplikohet per pasaporte biometrike dhe karte identiteti. Ne ato momente ai ka nisur te debatoje me punonjesen e kesaj kompanie A.C, nga Tepelena. Ne debat e siper ai ka nisur ta fyeje ate dhe me pas ka nisur qe ta qelloje me grushta. Kane qene qytetaret, qe ishin duke pritur ne radhe per te aplikuar per karta e pasaporte, si dhe punonjesit e Bashkise Tepelene, te cilet kane nderhyre per te ndare 30-vjecarin, i cili nuk ndalonte duke e qelluar punonjesen e "Aleatit", e cila ishte ne krye te detyres. Por, mesohet se nderhyrja ka qene e kote. Ne ato momente kane qene punonjesit e Bashkise ata qe kane lajmeruar edhe uniformat blu, te cilet kane arritur menjehere ne vendngjarje, duke bere te mundur edhe izolimin, si dhe arrestimin e te riut. Nderkohe qe punonjesja e "Aleatit" mesohet se ka marre disa plage ne trup nga dhuna e ushtruar nga ana e Metes.
Hetimet
Sipas policise shkak per debatin, i cili kaloi me pas edhe ne perdorimin e dhunes fizike te Kastriot Metes, ndaj punonjeses se "Aleatit", ka qene debati qe nena e tij kishte bere tre dite me pare me te demtuaren. Mesohet se nena e Metes kishte shkuar nje dite perpara ngjarjes per te aplikuar per pasaporte, ku kishte nisur qe te debatonte me punonjesen per shkak te voneses. Mesohet se 30-vjecari kishte shkuar ne ambientet e ketyre zyrave per t'u sqaruar, duke pretenduar se punonjesja kishte fyer nenen e tij. Pas ngjarjes mesohet se Meta eshte shoqeruar ne ambientet e Komisariatit te Policise Tepelene. Hetimet ne ngarkim te tij i kaluan per veprime te metejshme Prokurorise se Rrethit Gjyqesor Gjirokaster. Mbi Kastriot Meten rendon akuza e "goditje per shkak te detyres".