Mashtroi banken me 20 mije euro, zbulohet pas 5 vitesh "biznesmeni"

Pogradec- Mashtron banken duke perfituar 20 mije euro kredi, por zbulohet vetem pas 5 vitesh. Policia e Pogradecit mori nen hetim si te dyshuar nen akuzen e "mashtrimit" dhe "falsifikimit te dokumenteve", Llazar Vertopin, 63-vjec, banues ne qytet. Sipas hetimeve te kryera dhe denoncimit te depozituar nga nje prej bankave private ne qytet, i moshuari 5 vite me pare kishte aplikuar per nje kredi ne valute te konsiderueshme. Per kete qellim ai kishte arritur te falsifikonte dokumentacionet qe kerkoheshin, duke u hequr si nje biznesmen. Burime zyrtare konfirmuan se kredia 20 mije euro eshte terhequr ne vitin 2005, por sipas verifikimeve te kryera se fundi, rezulton se Vertopi nuk kishte mundesite per ta shlyer nepermjet aktivitetit te raportuar ne dokumentin fals. Menjehere pas denoncimit i dyshuari Vertopi eshte shoqeruar ne komisariat dhe pas hetimit dhe marrjes ne pyetje ka deklaruar se do te shlyente menjehere kete shume. Grupi hetimor ka vendosur qe i moshuari te hetohet ne gjendje te lire edhe per shkak te moshes, deri ne perfundim te veprimeve qe do te kryeje prokuroria.