Masterat, shtyhen regjistrimet
Sekretarite e fakulteteve kane vendosur te shtyjne me disa dite afatin e mbylljes se regjistrimit te studenteve qe duan te ndjekin ciklin e dyte te studimeve, apo edhe studimet master, ne baze te sistemit te Bolonjes. Megjithese nuk ka nje udhezim zyrtar per procedurat e regjistrimeve, sekretarite e fakulteteve kane vendosur te mbajne hapur sportelet nga ora 8 e mengjesit, deri ne oren 18 te mbremjes edhe per 2-3 dite. Nderkaq, fituesit pritet qe te shpallen te premten, edhe pse udhezimi parashikonte qe nje gje e tille te ndodhte gjate dites se sotme. "Udhezimi na erdhi ne mes te javes qe kaloi, ndersa dita e shtune dhe e diel ishte pushim", thane drejtues te fakulteteve, duke justifikuar shtyrjen e afatit. Sipas vendimit te qeverise, rreth 100 kuota jane caktuar te kete cdo dege. Nese deri ne mbylljen e regjistrimeve, ky numer do te rritet, kriteri i vetem perzgjedhes do te jete mesatarja. Sipas MASH, programet e studimit te ciklit te dyte, diploma te nivelit te dyte dhe programet e studimit "Master i nivelit te pare" me kohe te plote do te fillojne ne daten 10 nentor 2008 dhe do te mbyllen me 30 shtator 2009. Sipas udhezimit te firmosur nga ministri i Arsimit Fatos Beja, per regjistrim, aplikantet duhet te dorezojne dosjen individuale, me 5 dokumente. Behet fjale per fotokopje te noterizuar te diplomes se ciklit te pare te studimeve, te shoqeruar me listen origjinale te notave, certifikate personale me fotografi, 2 fotografi si dhe mandat-arketimi i tarifes se regjistrimit prej 2.500 lekesh. Komisionet Ad-hoc per perzgjedhjen e kandidateve fitues, percaktojne mbi bazen e dokumentacionit te paraqitur njohjen e plote ose te pjesshme te krediteve te fituara per te gjithe ata kandidate qe vijne nga programe studimi te ngjashme, te ciklit te pare. Institucionet publike te Arsimit te Larte jane te detyruara te shpallin dhe te afishojne listat e kandidateve fitues ne vende te dukshme, ne mjediset e njesive kryesore perkatese, brenda ores 16.00, te dates 28 tetor. Keto lista duhet te jene te ndara sipas programeve te studimit perkates, te renditur sipas rendit zbrites te pikeve te grumbulluara nga kandidatet, ne perputhje me kuotat e pranimeve. Megjithate, fituesit nuk do te shpallen sot, por ne fund te javes. Menjehere pas shpalljes se ketyre fituesve do te vazhdojne procedurat edhe per sistemin part-time, duke e cilesuar keshtu te hapur plotesisht vitin akademik.