Matura, nisin “konsultimet” private

Vetem tre jave para fillimit te periudhes zyrtare te konsultimeve, per provimet e Matures Shteterore, mesuesit kane filluar te gjejne tashme klientet e tyre te pare, per konsultime private. Me te privilegjuarit, edhe kete vit jane mesuesit e lendeve qe historikisht kane hyre ne kategorine e atyre “te veshtira”, si matematika, kimia, apo edhe fizika. Sipas deshmive te maturanteve, (te cilet vetekuptohet pse nuk duan te publikojne emrin e tyre), “operacioni i thithjes se klienteles”, behet fillimisht duke u zbritur notat atyre, ne menyre qe vajtja per konsultime private te jete e pashmangshme. E pra, kjo eshte pikerisht periudha kur mesuesit i njoftojne indirekt nxenesit, se kane nevoje qe te permiresojne dijet e tyre ne lendet me zgjedhje dhe ne ato me detyrim, duke marre dije shtese. Me se shumti, shtepite e ketyre arsimtareve sherbejne si “oaz” ku nxenesit mund te behen me te mire, dhe pothuaj gati per provimet e Matures Shteterore. Shtimi i stresit per maturantet duket se po shoqerohet me mbushjen e xhepave te mesuesve. Ata kane filluar “operacionin” per kryerjen e kurseve te Matures Shteterore. Vetem nje ore kurs anglishteje, i vlefshem per Maturen Shteterore, kushton plot 1500 leke. Ndersa matematika, sidomos ne shkollat me profil shoqeror, vlen 2 mije leke. Nxenesit e shkollave te mesme pohojne se mesuesit u kane kerkuar indirekt, ose me ane e “seksereve” qe te zhvillojne kurse private, sepse “keshtu kane me shume shanse per ta fituar shkollen e larte”. Ne fakt, nxenesit denoncojne ne heshtje sepse nuk mund te rrezikojne t´i prishin pune vetes. Gjithsesi ata nuk ngurrojne qe te tregojne se sa kushtojne konsultimet private tek mesuesit e shkollave te tyre. Por, jo vetem neper shkolla, por edhe ne qendra private behen kurse te Matures Shteterore. Madje disa prej tyre kane guxuar te nxjerrin njoftime edhe ne mediat elektronike. “Japim kurse per provimet e Matures Shteterore”, njoftojne disa qendra private, ndersa nje gje e tille ndalohet kategorikisht nga Ministria e Arsimit dhe e Shkences. Megjithate, ato vazhdojne programin e tyre, prej te cilit nxjerrin fitime te majme, ndersa deri me tani MASH nuk ka ndermarre asnje sanksion per kete veprimtari te paligjshme. Nxenesit pohojne jo pa shqetesim se cmimet e nje ore kursi, jane teper te larta. E keqja sipas tyre eshte se nuk behet fjale per nje ore, ose thjesht per nje lende, por per shume te tilla. Kesisoj, atyre qe u bie barra per te paguar, jane pikerisht prinderit. Nxenesit nuk duan te shprehen me emra, per shkak se nje gje e tille do t’i demtonte shume, por tregojne se sa iu kushton marrja e dijeve esktra.

L.Ndoka