Matura, rikthehen kurset private

Te japesh provimet e Matures Shteterore, do te thote jo vetem te stresohesh pa fund, por edhe te zbrazesh xhepat. Pikerisht tani eshte periudha kur mesuesit i njoftojne indirekt nxenesit se kane nevoje qe te permiresojne dijet e tyre ne lendet me zgjedhje dhe ne ato me detyrim, duke marre dije shtese. Cka do te thote, kurse private. "Operacioni i dijeve" ka filluar tashme. Mesuesit kane siguruar "klientet" e tyre, madje edhe mjediset ku mund te japin kurse private. Me se shumti, shtepite e ketyre arsimtareve sherbejne si oaza ku nxenesit mund te behen me te mire, dhe pothuaj gati per provimet e Matures Shteterore.
Shtimi i stresit per maturantet duket se po shoqerohet me mbushjen e xhepave te mesuesve. Ata kane filluar "operacionin" per kryerjen e kurseve te Matures Shteterore. Vetem nje ore kurs anglishteje, i vlefshem per Maturen Shteterore, kushton plot 1500 leke. Ndersa matematika, sidomos ne shkollat me profil shoqeror, vlen 2 mije leke. Nxenesit e shkollave te mesme pohojne se mesuesit u kane kerkuar indirekt, ose me ane e "seksereve" qe te zhvillojne kurse private, sepse "keshtu kane me shume shanse per ta fituar shkollen e larte". Ne fakt, nxenesit denoncojne ne heshtje, sepse nuk mund te rrezikojne t´i prishin pune vetes. Gjithsesi, ata nuk ngurrojne qe te tregojne se sa kushtojne konsultimet private te mesuesit e shkollave te tyre. Por, jo vetem neper shkolla, por edhe ne qendra private behen kurse te Matures Shteterore. Madje, disa prej tyre kane guxuar te nxjerrin njoftime edhe ne mediat elektronike.
"Japim kurse per provimet e Matures Shteterore", njoftojne disa qendra private, ndersa nje gje e tille ndalohet kategorikisht nga Ministria e Arsimit dhe e Shkences. Megjithate, ata vazhdojne programin e tyre, prej te cilit nxjerrin fitime te majme, ndersa deri me tani MASH nuk ka ndermarre asnje sanksion per kete veprimtari te paligjshme. Nxenesit pohojne jo pa shqetesim se cmimet e nje ore kursi jane teper te larta. E keqja, sipas tyre, eshte se nuk behet fjale per nje ore, ose thjesht per nje lende, por per shume te tilla. Kesisoj, atyre qe u bie barra per te paguar, jane pikerisht prinderit. Nxenesit nuk duan te shprehen me emra, per shkak se nje gje e tille do t'i demtonte shume, por tregojne se sa u kushton marrja e dijeve ekstra. Nje nxenese e vitit te katert, ne shkollen e mesme "Petro Nini", pohon se vetem nje ore per anglishten kushton 1500 leke. Nje ore kursi per gjuhen frenge (e futur per here te pare sivjet ne listen e provimeve me zgjedhje kushton 1300 leke, ndersa matematika, 2 mije leke). Njohuria per Shoqerine dhe filozofia kushtojne 800 leke ora, ndersa historia dhe gjeografia nga 750 leke nje ore kursi. Seleksionimi i lendeve qe do te japin maturantet si provim me zgjedhje, ka ndikuar ne cmimet qe kane vendosur mesuesit. Jo te gjithe i kane te njejte, por pergjithesisht ne shkollat e mesme me me emer, nje ore mesim ekstra kushton me shtrenjte se ne shkollat e tjera.
Kurset private, "punesim sezonal"
Sezoni i pranveres dhe i veres jane me fitimpruresit per mesuesit e shkollave te mesme. Perpos pages qe marrin neto, ata marrin edhe nje "page" tjeter shume me te majme, si rezultat i kurseve private. Vetem nje ore, per nje nxenes atyre u kushton mesatarisht 1 mije leke. Ndersa nese mbledh minimalisht 10 nxenes, nje mesues mund te perfitojne 10 mije leke te rinj, vetem ne nje dite. Megjithate gjithe ceshtja eshte se si t'i bindin nxenesit pa rene ne sy, se ata kane nevoje per kurse private. Praktika e pervitshme ka treguar se nje gje e tille nuk ka qene aspak e veshtire per mesuesit. Pasi kane "ngrohur" xhepat, ata u kane shpjeguar nxenesve "kleckat" e lendes dhe tipat e ushtrimeve apo pyetjeve qe do t'i cojne ata drejt universiteteve publike te vendit. Nje praktike e tille ndodh vit per vit ne shkollat tona, edhe pse ligjerisht eshte e ndaluar. Megjithate, kurset private rrjedhin per vit, si nje biznes qe forcohet perdite e me shume.

Cmimet e kurseve:
Fizike 800-1000 leke
Kimi 800 leke
Biologji 800 leke
Anglisht 1500 leke
Frengjisht 1300 leke
Histori 750
Gjeografi 750
Njohuri per shoqerine 800 leke
Njohuri per ekonomine dhe Filozofi 800 leke
Letersi (per shkollat teknike) 2 mije leke
Matematike (per artistiket) 2 mije leke