Maturantet jashte shtetit, si te aplikojne

Te gjithe maturantet qe kane kryer shkollen e mesme jashte shtetit, do te mund te behen pjese e universiteteve shqiptare, pasi te kene kryer nje sere procedurash. Behet fjale per ekuivalentimin e defteses dhe dhenien e provimeve me zgjedhje. Gjate dites se djeshme, Ministria e Arsimit ka ngritur komisionin e posacem, i cili do te pranoje kerkesat per ekuivalentim te deftesave deri me daten 15 prill. Sipas procedurave te percaktuara, maturantet qe kane studiuar jashte duhet te paraqesin nje kerkese me shkrim per te vazhduar shkollen publike, si dhe diplomen te shoqeruar me listen e notave. Si dhe nje certifikate lindjeje ose fotokopje e noterizuar e pasaportes. Ekuivalentimi i diplomes dhe provimet me zgjedhje jane kushti kryesor per vazhdimin e 11 universiteteve publike te Shqiperise. Per kete kategori, Ministria e Arsimit dhe e Shkences ka nxjerre nje udhezim, i cili sqaron procedurat se si duhet te veprojne maturantet qe e kane kryer shkollen e mesme jashte vendit.
Provimet
Nje menyre krejt e vecante do te aplikohet per maturantet, te cilet vijne nga vendet e tjera dhe kane mbaruar studimet e shkolles se mesme. "Shtetasit shqiptare qe kane perfunduar arsimin e mesem jashte shtetit dhe kane dhene provimet ekuivalente me Maturen Shteterore (provime te detyruara D1 e D2 dhe provime me zgjedhje Z1 e Z2), pranohen ne shkollat e larta publike, mbi bazen e pikeve qe llogariten sipas notave te marra", thote pika 1 e udhezimit. Pra, nese jashte vendit jane dhene provime ne baze te se njejtes logjike, atehere kandidatet mund te pranohen pasi t'u jene llogaritur piket. Ndersa per kategorine tjeter, e cila ka kryer arsimin e mesem jashte shtetit, por ama nuk ka dhene provimet ekuivalente me Maturen Shteterore (provimet me detyrim D1 e D2 dhe provimet me zgjedhje Z1 e Z2), per t'u pranuar ne shkollat e larta publike, duhet te japin provimet me zgjedhje.
Incidentet
Vitin e kaluar incidentet e para jane shenuar pikerisht me keta maturante, si dhe me ata qe kane dashur te studiojne jashte. Per kete vit, Ministria e Arsimit ka marre te gjitha masat qe keto incidente te mos perseriten. Nje nga masat e para eshte ngritja e komisionit te ekuivalentimit, i cili ka ne krye drejtorin e Kurrikulave te Ministrise se Arsimit. Ky komision pasi njeh vlefshmerine e defteses shkollore, percakton mbi bazen e dokumentacionit te paraqitur nga shtetasi, nese provimet e dhena qe figurojne ne diplomen perfundimtare jane ekuivalente me Maturen Shteterore. Per rastet kur provimet e dhena jane ekuivalente me Maturen Shteterore, komisioni i posacem ben perllogaritjen e notes mesatare te viteve te shkollimit, percakton notat e provimeve te detyruara (D1 dhe D2) dhe notat e provimeve me zgjedhje (Z1 e Z2) si dhe njofton shtetasit per te plotesuar formularin A2 deri me 30 qershor 2008.
Ekuivalentimi, 15 prilli data e fundit
Kerkesa per kryerjen e ekuivalentimit te defteses se shkolles se mesme e kryer jashte vendit duhet te dorezohet se bashku me dokumentacionin deri me daten 15 prill 2008. Keto jane afatet qe kane percaktuar drejtuesit e komisionit te ekuivalentimit, per t'i lene hapesire plotesimit te kerkesave dhe dokumentacioneve te tjera. Per te bere kete barazim te defteses dhe te notes maturantet duhet te dorezojne nje sere dokumentesh. Fillimisht nje kerkese per te kryer ekuivalentimin. Kjo kerkese duhet te shoqerohet me diplomen perfundimtare origjinale, shoqeruar me vertetimin origjinal per notat e mbarimit te shkolles se mesme. Po keshtu, nje kopje e ketyre dokumentacioneve duhet te jete e perkthyer dhe e noterizuar. Te nevojshme per te kryer kete procedure jane edhe dokumentacionet e identifikimit si certifikate me fotografi ose nje fotokopje e pasaportes e noterizuar. Pas kryerjes se ketyre procedurave kandidatet duhet te plotesojne dokumentet e tjera qe kane te bejne me procesin e Matures Shteterore. Pas plotesimit te formularit A1, nevojitet plotesimi i formularit A2 brenda dates 30 qershor 2008 dhe dorezohen ne Komisionin Shkollor te Matures Shteterore.
Te dhena:
Kerkese me shkrim per te vazhduar shkollen e larte publike
Diplome perfundimtare origjinale, shoqeruar me vertetimin origjinal per notat e mbarimit te shkolles se mesme dhe kopje te ketyre, te perkthyera dhe te noterizuara
Fotokopje te noterizuar te pasaportes ose certifikate lindjeje me fotografi;
Formularet A2 duhet te plotesohen nga kandidatet brenda dates 30 qershor 2008 dhe dorezohen ne Komisionin Shkollor te Matures Shteterore
Te gjithe kandidatet te cilet kane perfunduar shkollen e mesme jashte shtetit duhet te paraqesin per ekuivalentim prane ketij komisioni ne Drejtorine e Kurrikules ne MASH deri me 15 prill 2008