Maturantet kopjuan me celulare, u lejuan nga administratoret Luljeta Ndoka
Bie miti i suksesit te Matures Shteterore. Ndonese, deri tani, eshte pohuar vazhdimisht se nxenesit nuk jane lejuar qe te kopjojne dhe aq me teper, te lejuar nga administratoret, krejt ndryshe eshte konkluduar ne raportin e Inspektoratit te Arsimit Parauniversitar, per vitin 2011. Raporti ne fjale ka pasur nje kohezgjatje janar-dhjetor 2011 dhe eshte shtrire ne nje sere aspektesh, nder te cilat, edhe provimet me detyrim dhe me zgjedhje te Matures Shteterore, por pa lene menjane as provimet e lirimit. Kesisoj, IKAP-i ka pohuar se ka vezhguar dhe monitoruar zhvillimin e provimeve ne Gjuhe shqipe dhe Letersi, Matematike dhe lende me zgjedhje ne 7 Drejtori Arsimore Rajonale dhe 13 Zyra Arsimore. "Procesi i Provimeve te Matures Shteterore per Gjuhen shqipe dhe Letersine, Matematiken dhe lendet me zgjedhje per vitin shkollor 2010-2011, pergjithesisht, eshte kryer ne perputhje me rregulloren dhe aktet nenligjore ne fuqi, por ka pasur dhe probleme te cilat duhen permiresuar", thuhet ne konkluzionet e raportit. Sipas Inspektoratit te Arsimit Parauniversitar, futja e nxenesve ne mjediset e zhvillimit te provimit eshte bere duke verifikuar paraprakisht mjetin e identifikimit. "Ka nje numer shume te vogel nxenesish, ne qendra te caktuara, pa mjetin e identifikimit. Hyrja e tyre ne ambientet e provimit eshte bere vetem, pasi drejtoret e shkollave perkatese mbajten procesverbale me shkrim per identitetin e nxenesve", thuhet ne raport. Nga ana tjeter, gjate kohes se zhvillimit te provimit ne mjediset e shkollave pergjithesisht nuk ka pasur persona te paautorizuar dhe angazhimi i forcave te rendit ka qene korrekt dhe i kenaqshem. "Pavaresisht kontrollit te imte qe u eshte bere nxenesve ne momentin e hyrjes ne qendrat e zhvillimit te provimeve, jane kapur nxenes duke kopjuar me ane te telefonave celulare apo me menyra te tjera. Per kete, ne DAR Fier, ZA Sarande dhe ZA Has, jane perjashtuar disa nxenes nga provimi", konkludon raporti i IKAP-it. Por, me e keqja eshte se disa administratore kane thyer disiplinen, duke i lejuar nxenesit qe te kopjojne. Ne keto raste, ata jane perjashtuar nga provimi dhe jane zevendesuar me administratore rezerve. Listat e paraqitura nga AVA kane pasur probleme ne disa DAR/ZA, si ne ZA Kruje, ku mungonin teste ne provimin e gjuhes dhe letersise. Sa u perket provimeve te lirimit jane shenuar disa incidente te vogla. Keshtu, ne shkollen e Tapizes procesi filloi me disa ore vonese dhe perfundoi me vone se orari i percaktuar ne rregulloren e MASH-it, per shkak te mungeses se testeve dhe administratoreve. Nisur nga keto mangesi, inspektorati ka rekomanduar qe te permiresohet trajnimi i PAP-it, AP-it dhe AS-it ne lidhje me rregulloren e Matures Shteterore dhe provimeve te lirimit. "Te perzgjidhen administratoret konform rregullores, te permiresohet procesi i informimit te nxenesve per rregulloren e zhvillimit te provimeve dhe detyrimin e pajisjes me dokument identifikimi, te mos lejohet kategorikisht pjesemarrja e personave te paautorizuar nga institucionet arsimore, te vendosen ne mjedise te perbashketa provimi nxenesit e shkollave jopublike dhe ato te shkollave publike, si dhe te hartohet me kujdes lista emerore e nxenesve pjesemarres ne provim, per te shmangur listimin e nxenesve mbetes ne fund te vitit shkollor", jane disa nga rekomandimet e IKAP-it. Sipas Inspektoratit Kombetar te Arsimit Parauniversitar, 38 DAR/ZA dhe mjaft shkolla jane pajisur me 5 letra informuese te IKAP-it, lidhur me funksionimin e shkollave jopublike, konsultimet dhe eliminimin e kurseve private.