Maturantet neser relacioni per kuotat bosh

Neser te gjitha sekretarite mesimore te fakulteteve te vendit do te numerojne vendet qe kane rezultuar bosh pas regjistrimeve te fazes se dyte te fituesve. Pas kesaj sekretarite pergatisin nje relacion te posacem i cili ka te percaktuar qartazi numrin ne total te vendeve vakante qe do te regjistrohen ne secilin fakultet te vendit. Pas perfundimit te kesaj procedure relacioni dergohet ne rektorat dhe me pas ne Agjensine e Pranimit ne Universitete.

Mbyllja e procesit te regjistrimeve per fazen e dyte te fituesve pritet te mbyllet sot ne oren 18.00 nderkohe qe numerimi i vendeve bosh do te behet jo me larg se 10 minuta pas perfundimit zyrtar te tij. Dorezimi i listes ku jane te percaktuara vendet bosh ne APRIAL sipas burimeve nga Ministria e Arsimit dhe Shkences do te behet neser ne oren 14.00 ndersa parashikohet qe shpallja publike e tyre te behet pas 24 oreve.

Lista e ndermjetme u afishua ne te gjitha fakultetet e vendit me date 25 shtator ndersa regjistrimet nisen dy dite me pas me 27 shtator. Sipas udhezimit te hartuar nga Ministria e Arsimit per fazen e ndermjetme parashikohet qe ky proces te perfundoje sot. Afati i percaktuar per kohezgjatjen e ketij procesi ishte plot 5 dite i njejte me ate te fazes paraprake.

Lista perfundimtare e kandidateve qe do te fitojne te drejten per te ndjekur arsimin e larte do te publikohet me 3 tetor ne te gjitha fakultetet e vendit. Kjo date do te percaktoje perfundimisht numrat e identifikimit te fituesve te fazes se trete.

Sipas burimeve nga Ministria e Arsimit dhe Shkences listimi i ketyre kodeve do te behet ne baze te zevendesimeve te vendeve vakante qe do te regjistrohen me shpalljen e listes se ndermjetme. Pra kjo faze pritet te jete edhe shansi i fundit i kandidateve qe pasi kane bere serish perllogaritjen e pikeve kane arritur ne konkluzionin se nuk do te jene fitues as ne fazen e dyte.

Ndryshe nga udhezimet qe MASH ka hartuar per fazen paraprake dhe ate te ndermjetme parashikohet qe afati i kohezgjatjes se regjistrimeve per kete faze te jete me i shkurter se dy te parat.

Ndersa regjistrimet per kete faze pritet te startojne me date 6 tetor perfundimi zyrtar i ketij procesi do te behet me 9 tetor pra fituesit do te kene ne dispozicion vetem tri dite per tu regjistruar.

E megjithate burime nga MASH kane sqaruar se procedurat e cregjistrimit dhe regjistrimit edhe per fazen e fundit do te jene te njejtat me ato te dy fazave te tjera. Kjo do te thote qe nese do te kete nga ata kandidate per student qe pasi jane shpallur fitues ne listen e ndermjetme do te rezultojne te tille edhe ne ate perfundimtare do te kete ndryshime. Por kjo do te ndodhe vetem per ata kandidate qe jane fitues ne listen perfundimtare ne nje dege te pozicionuar me lart sesa dega ku eshte regjistruar ne listen e ndermjetme. Ne te kundert ai do te vazhdoje te jete i regjistruar ne degen e pare.