Maturantet pa pergjigje, “kopjace”

Flet drejtori i APRIAL Arben Fagu dhe drejtori i Arsimit te Mesem ne MASH, Ndricim Mehmeti
Nje pjese e maturanteve, te cileve nuk u kishin dale pergjigjet deri dje, kane kopjuar. Keshtu kane deklaruar zyrtare te Ministrise se Arsimit dhe Shkences, te cilet theksojne se jo te gjithe ata qe s’i kane marre pergjigjet deri dje, e kane bere nje gje te tille. Nje pjese e tyre kane kopjuar, nje pjese kane prishur fletet e testeve pa dashje dhe disa te tjere kane gervishtur barkodet”, kane sqaruar burime zyrtare te Ministrise se Arsimit dhe Shkences. Nderkaq, mesohet se formulari A2 nuk do te dorezohet me dy gusht, por me 6 gusht, shtyrje kjo, per shkak te maturanteve qe iu vonua rezultati.
Kopjet
Provimet e matures shteterore nuk jane administruar mire nga mesuesit ne te pakten 20 shkolla, ku eshte konstatuar se nje pjese e madhe e maturanteve, qe bejne pjese ne kategorine e atyre qe u jane vonuar rezultatet, kane kopjuar. “Ne provime dyshohet per kopje dhe gjate kontrollit jane verifikuar kopje. Pavaresisht se keto shkolla kane mijera nxenes, jo te gjithe dyshohen per kopje”, ka deklaruar kreu i APRIAL-it, Arben Fagu. Mesohet se nuk flitet per perpjekje individuale te nxenesve per te kopjuar, por per shperndarjen e tezes ne menyre te organizuar nga mesuesit qe duhej te mbikeqyrnin provimin. Ekspertet kane zbuluar se dhjetera nxenes kane dhene ne menyre rigoroze te njejten pergjigje. Per kete arsye maturantet te cilet kane kopjuar jane penalizuar, duke ia ulur piket per pyetjen qe kane kopjuar, ndersa per mesuesit do te kete penalizime me te renda. “Jane raste si Fieri, Elbasani e Pogradeci, ku me shume pergjegjesi kane mesuesit. Natyrisht ne keto shkolla do te merren masa”, ka shtuar Fagu. Drejtori sqaron se ka ende disa dhjetera maturante per te cilet nuk eshte dhene rezultati, pasi jane konstatuar probleme ne sekretimin e testit dhe probleme te tjera teknike. E rendesishme, sipas eksperteve eshte fakti qe nuk eshte lejuar dalja e rezultateve te pamerituara. Pikerisht synimi per te qene sa me objektive dhe strikte, ka cuar ne vonesa te shpalljes se tyre.
Vleresimi
Drejtori i Arsimit te Mesem ne MASH, Ndricim Mehmeti ka qetesuar te gjithe maturantet se cdonjeri prej tyre ka marre noten e merituar ne provimet e matures shteterore. Ai i ka garantuar qe te gjithe se, vleresimi i provimeve te matures ka qene i sakte dhe transparent. Sipas tij cdo nxenes eshte vleresuar sakte pasi ka pasur nje korrigjim te trefishte nga specialistet e drejtorive arsimore. "Testet kane qene brenda te gjitha kritereve, dijeve dhe programeve orientuese qe nxenesit i kane pasur qe ne muajin nentor", theksoi Mehmeti, duke shtuar se nuk ka asnje ankimin nga maturantet per formulimin e testeve. Drejtori Mehmeti, duke e cilesuar procesin e provimeve te matures si me te mirin e organizuar ndonjehere theksoi se, nxenesi ka pasur te gjithe kohen e nevojshme per te zgjedhur edhe degen qe ai preferon te vazhdoje ne universitet duke shtuar se cdo maturant ka pasur edhe informacionin e duhur per deget qe jane me te kerkuara ne tregun e punes. Maturantet duhet te dorezojne diten e hene formularin A2, ku saktesojne degen qe ata kane prioritet, ndaj pjesa me e madhe e te rinjve e kane perjetuar me ankth nxjerrjen e rezultateve. Pergjigjet e provimeve te matures shteterore jane vonuar per me shume se dy jave ne shume shkolla te vendit, duke krijuar nje situate tensioni mes te rinjve qe presin te mesojne rezultatet dhe fatin e tyre ne garen per ne universitete.
16 Korrik Dita e shpalljes se rezultateve te provimeve me zgjedhje, per pjesen derrmuese te maturanteve. Afishimi i listave te notave eshte bere ne ambientet e shkollave te mesme, por kjo praktike pune nuk ka funksionuar njesoj per te gjitha gjimnazet, pasi ka edhe nga ato shkolla qe nuk i kane afishuar ate dite rezultatet e nxenesve te tyre.
L.Ndoka