Mberritja e francezeve me jaht, banoret thyejne traun e Kakomese

Sarande- Rikthehen incidentet mes banoreve dhe punonjesve te firmes "Riviera" dhe kompanise franceze "Club Med" qe po nderton fshatin turistik ne Kakome. Nje jave pas rifillimit te punimeve dhe arrestimeve te RENEA-s, nje perfaqesi e fshatit Nivice dhe komunes Lukove kane shkuar ne drejtim te Grykes se Brodanit, duke thyer edhe traun e vendosur nga uniformat blu te Sarandes ne hyrje te fshatit. Megjithese ka pasur sinjale per tensionim te situates ne Kakome, kryetari i komunes Lukove, Vladimir Kumi, deklaroi se vizita ne kete zone ishte per te verifikuar lajmin nese kishte mberritur vertet jahti me francezet e "Club Med". "Me ishte deklaruar se ne rast mberritje do te komunikonin me mua dhe ne kete jaht gjendeshin nje grup njerezish te paevidentuar", tha Kumi per "KJ". Por pasi i jane afruar postbllokut, perfaqesia e fshatit ka tentuar te hyje me force ne kantierin e punimeve se bashku me dy automjetet ku udhetonin. Ata kane shperthyer traun duke hyre pa miratimin e rojeve private me destinacion Kakomene. Konfrontimet fizike jane shmangur dhe pasi kane keqyrur zonen banoret dhe perfaqesia e komunes jane larguar.

Bardhyl Bejko