Mbi 60 të vrarë gjatë luftimeve në Jemen

Të paktën 60 të vdekur është bilanci i luftimeve që u regjistruan të hënën dhe që panë si protagonistë ushtrinë jemenase kundër anëtarëve të Al Qaedës, në jug të vendit.

Rreth 300 luftëtarë të organizatës terroriste kanë sulmuar një kazermë ushtarake në Loder, në provincën Abjane, duke shkaktuar reagimin e forcave të armatosura.

Luftimet kanë shkaktuar 40 të vdekur nga radhët e kryengritësve dhe 14 të tjerë nga radhët e trupave ushtarake. Ndërkohë, 6 të vdekur të tjerë numërohen mes anëtarëve të Komitetit të Rezistencës Popullore.

Jemeni konsiderohet si një nga “parajsat” e reja të Al Qaedës dhe organizata terroriste ka shumëfishuar sulmet e saj në jug të vendit.

Nga fundi i muajit të kaluar, 29 anëtarë të supozuar të rrjetit mbetën të vrarë në një tjetër përballje me trupat qeveritare jemenase. Përballja ndodhi në rajonin e Zinjibarit, kryeqendër e provincës së Abjanës, në jug të vendit më të varfër të botës arabe.