Mbyllet ankanadi i bonos së thesarit prej 15 milion eurosh

Mbyllet ankandi shtetëror i bonove të thesarit me një vlerë prej 15 milion euro. Sipas drejtorit të menaxhimit të Borxhit Publik Xhentil Demiraj qytetarët kanë treguar mjaft interes dhe pjesëmarrja e tyre ka qenë masive.

Kjo sasi parash e marrë nëpërmjet bonove të thesarit pritet që të investohet në projkte të rëndësishme . Drejtori i menaxhimit të Borxhit Publik shprehet ndër të tjera se kjo nuk do të ndikoj në nivelin e borxhit publik në vend.
 

Qytetarët mund të investojnë paratë e tyre këtë verë për një afat 12 mujor, duke marrë pjesë në ankandet shtetërore të bonove të thesarit. Ndërkohë që Ministria e Financave deklaron se në datën 21 gusht do të hapet ankandi i një tjetër bonoje ku qytetarët mund të marrin pjesë.