Mbyllet dosja e demshperblimeve, kerkohen 80 milione leke per 13 familje

Gjirokaster- Specialistet e emergjencave ne Prefekturen e Gjirokastres, ne bashkepunim me koleget e tyre te Keshillit te Qarkut, kane perfunduar dje dosjen e perllogaritjeve financiare ne lidhje me demshperblimin e familjeve te demtuara, qe jetonin ne pallatin e shembur. Demi financiar i 13 familjeve llogaritet ne 80 milione leke, qe pritet te vleresohet nga institucionet perkatese ne Tirane dhe nga qeveria. “Shpresojme qe qeveria te akordoje sa me shpejt fondet e demshperblimit per familjet qe kane humbur shtepite dhe pasurine materiale gjate kesaj ngjarje”, thote prefekti i Gjirokastres Spiro Ksera. Dosja i eshte derguar Ministrise se Brendshme dhe pushtetit vendor per te kryer relativet e rastit per shifrat e perllogaritura. Paralelisht me kete problematike Shtabi i Emergjencave ne Prefekture po merr masat edhe per sigurimin e fondeve te emergjences per familjet e pastreha. Sipas prefektit te Gjirokastres, me kontributin e biznesit per secilen familje eshte shperndare nje fond prej 50 mije lekesh si fillim. Bashkia e Gjirokastres ka akorduar mbeshtetje financiare prej 20 mije lekesh per fryme per cdo familje nga fondi i emergjencave. Nderkohe nga ana e shtabit te emergjencave eshte kerkuar edhe mbeshtetja financiare e biznesit dhe komunitetit gjirokastrite per donacione ne drejtim te ketyre familjeve te pastreha. Nga ana e prefektures eshte celur edhe nje numer llogarie publike, ku mund te derdhen keto kontribute.

Blerim Kore