Më shumë mundesi fëmijëve për tu argëtuar sadopak

Shperthimi i depove te armeve ne Gerdec ishte nje tragjedi jo vetem per familjet e viktimave, por edhe per te gjithe shoqerine shqiptare. Shkolla fillore ne fshatin Muçaj, ne afersi te Gerdecit ishte nje nga ato objekte qe u prek dhe u demtua nga ky shperthim tragjik.

Fatmiresisht Zoti i mbrojti femijet, krijesat e tij me te dashura, pasi ai ferr dantesk ndodhi te shtunen dhe asnjeri prej tyre nuk ndodhej ne ambientet e shkolles.

Me nje kontribut modest, por qe shpreh mesazhin e mbeshtetjes dhe solidaritetit ndaj banoreve te zonave te prekura nga kjo tragjedi, një fushatë sensibilizuese private hapi siparin e investimeve konkrete, me rikonstruksionin ose ndertimin nga e para te fushes sportive (basket, volley, minifutboll) te shkolles fillore te ketij fshati.

Nje fushe sportive nuk mund te ule dhimbjen e banoreve te ketyre zonave, por mund t’u jape vogelusheve qe do te luajne ne te, me shume mundesi per t’u argetuar sadopak dhe per t’u defryer ne menyre te shendetshme.