Me shume transaksione ne banka, forcohet sistemi
Me shume transaksione, me shume pagesa te kryera permes kanalizimeve bankare, e kesisoj, edhe me shume garanci per funksionimin e sistemin bankar si te tille. Kjo eshte dukuria me e fundit qe konfirmohet nga ekspertet e Bankes se Shqiperise ne Raportin e Stabilitetit Financiar. “Gjate gjysmes se dyte te vitit 2012, vellimi i aktivitetit ne tregun nderbankar eshte rritur. Transaksionet mbizoterohen nga ato me maturitet 1-ditor, megjithate verehet nje rritje e konsiderueshme e transaksioneve javore dhe atyre deri ne nje muaj. Respektivisht me 81.1 miliarde leke ose 95.4% dhe 5 miliarde leke ose 63.7%”, citojne saktesisht ekspertet e Bankes se Shqiperise lidhur me nje fakt te tille. Duke treguar me pas, sesi kater bankat me aktive ne sistem, zene rreth 60% te numrit te transaksioneve dhe 66.4% te vleres se tyre. Konkretisht, me nje numer transaksionesh prej 68.061 te tilla te realizuara prane tyre, ndersa totali figuron te kete qene ne kuptimin e 361.552 gjate gjysmes se dyte te vitit 2012. Me vlerat perkatese prej 17.13 miliarde dhe 66.99 miliarde lekesh. Me tej, te detajuara, zhvillimet ne sistemet e pagesave qe kryhen permes kanaleve bankare, flasin per nje ecuri pozitive te tyre. “Sistemet e pagesave jane nje pjese e rendesishme ne strukturen e nje sistemi financiar, duke qene kanalet nepermjet te cilave mundesohet transferimi i fondeve ndermjet bankave, institucioneve te tjera financiare dhe klienteve. Si rrjedhoje, funksionimi i qendrueshem dhe efecient i tyre kontribuon ne menyre te rendesishme ne ruajtjen e stabilitetit financiar”, -argumentojne lidhur me nje fakt te tille, ekspertet e Bankes se Shqiperise. Duke shtuar me tej se pergjate gjithe vitit 2012, “Pagesat per kliente” kane vijuar te zene peshen kryesore te numrit te transaksioneve me rreth 63.6% ndaj totalit te tyre. Megjithese “Instrumentet financiare te BSH-se” eshte lloji i transaksionit qe ze vetem 5% te numrit te transaksioneve ne sistemin AIPS, vlera e tij perfaqeson 56% te vellimit te transaksioneve. Ndersa shtohet se gjate gjashtemujorit te dyte 2012, ne sistemin AECH u proceduan rreth 178 mije urdherpagesa, me nje vlere mesatare per transaksion te shlyer prej 200 mije lekesh. “Ministria e Financave vazhdon te jete kontribuesi kryesor ne procedimin e pagesave me vlere te vogel, perkatesisht me 66% ne numer dhe me 58% ne vlere. Per sa i takon rolit te bankave, te dhenat tregojne se 4 bankat me aktive ne sistem zene rreth 60% te numrit te transaksioneve dhe 66.4% te vleres se tyre”, -citon me tej BSH-ja.