Mediet mundohen ta rrëzojnë Barcelonën

Ylli i Barcelonës, Daniel Alves beson se buja e medieve, pas ndëshkimit të Gerard Piques kundër Rayo Vallecanos, dëshmon se ekziston një agjendë kundër klubit të tij.

Spanjolli ishte ndëshkuar me karton të verdhë për vonesë të lojës gjatë minutave të fundit të fitores 5-0 ndaj Rayo Vallecanos të martën, që rezultoi me suspendimin e tij nga përballja me Levanten të shtunën.

Mirëpo, ekzistonin dyshime se Pique ishte ndëshkuar qëllimisht që të mos rrezikonte mungesën në përballjen e 10 dhjetorit kundër Real Madridit. Pique i ka shpëtuar dënimit të mëtutjeshëm, ndërsa Alves tha: “Sërish të gjithë shikojnë nga afër Barcelonën, çdo gjë që bëjmë zgjon reagime”.

Ish mbrojtësi i Sevillas shtoi për Marca: “Ne duhet të përqendrohemi te vetvetja dhe të injorojmë komentet nga jashtë që mundohen të na destabilizojnë”. Alves lavdëroi rikthimin nga lëndimi të sulmuesit Alexis Sanchez, i cili shënoi dy gola kundër Vallecanos.

“Jam shumë i lumtur për të. Ai punon shumë mirë dhe ka qenë mjaft i suksesshëm para portave kundërshtare”, përfundoi Alves.