Mediu per presidentin Te mos zgjidhet ne minuten e fundit
Republikanët kërkojnë të nisë menjëherë gara për postin e Presidentit të Republikës. Kreu i PR-së, Fatmir Mediu, njëkohësisht ministër në kabinetin “Berisha” thotë për AS që kandidatët për postin e zyrtarit më të lartë të shtetit të fillojnë të shpalosin platformat e tyre. Sipas Mediut, korriku i vitit të ardhshëm nuk është larg dhe për këtë figurat për postin e kreut të shtetit duhet të dalin sa më shpejt,në mënyrë që secili kandidat të ketë platformën e tij përpara se të votohet në Parlament.
“Mendoj që është absurd që vetëm në politikën shqiptare mund ndodh që 10 ditë para se të zgjidhet presidenti I republikës të dalin kandidaturat për president ose të gjejmë një president nga rruga. Nuk ka sens. Në qoftë se flasim për autoritetin më të lartë shtetëror, për presidentin e republikës, ky është një njeri që nuk I ofrohet vetëm politikës, por gjithë shoqërisë shqiptare dhe është mirë që ne të diskutojmë sa më shpejt për kandidaturat dhe vizionet e tyre”- tha Mediu.
Referuar ndryshimit të ligjit elektoral, Mediu thekson që të ndryshohet thelbi i kodit në tërësi. Argumentimi i ministrit të Mjedisit për këtë çështje është se ky kod ka rritur papërgjegjshmërinë e të zgjedhurve përballë elektoratit.
“Ky kod zgjedhor, ky ligj electoral ka atrofizuar politikën shqiptare, ka thelluar konfliktin dhe ka rritur papërgjegjshmërinë e të zgjedhurve karshi votuesve të tyre. Nuk është një ligj I cili bazohet mbi meritën, por bazohet në marrëdhëniet që ndërtojnë njerëz të caktuar dhe të lidershipit politik të partive përkatëse”- tha Mediu.
I njohur si negociatori kryesor në zgjedhjen e kreut të shtetit në vitin 2002 dhe pjesëtar në negociatat për zgjedhjen e presidentit në 2007, Fatmir Mediu kërkon që zgjedhja e zyrtarit më të lartë të shtetit të kalojë në Kuvend me konsensus. Mediu i bën thirrje opozitës në këtë rast të tregohet më objektive duke asistuar në debatin institucional dhe parlamentar.
Erjon Ajazi
“Mendoj që është absurd që vetëm në politikën shqiptare mund ndodh që 10 ditë para se të zgjidhet presidenti I republikës të dalin kandidaturat për president ose të gjejmë një president nga rruga. Nuk ka sens. Në qoftë se flasim për autoritetin më të lartë shtetëror, për presidentin e republikës, ky është një njeri që nuk I ofrohet vetëm politikës, por gjithë shoqërisë shqiptare dhe është mirë që ne të diskutojmë sa më shpejt për kandidaturat dhe vizionet e tyre”- tha Mediu.
Referuar ndryshimit të ligjit elektoral, Mediu thekson që të ndryshohet thelbi i kodit në tërësi. Argumentimi i ministrit të Mjedisit për këtë çështje është se ky kod ka rritur papërgjegjshmërinë e të zgjedhurve përballë elektoratit.
“Ky kod zgjedhor, ky ligj electoral ka atrofizuar politikën shqiptare, ka thelluar konfliktin dhe ka rritur papërgjegjshmërinë e të zgjedhurve karshi votuesve të tyre. Nuk është një ligj I cili bazohet mbi meritën, por bazohet në marrëdhëniet që ndërtojnë njerëz të caktuar dhe të lidershipit politik të partive përkatëse”- tha Mediu.
I njohur si negociatori kryesor në zgjedhjen e kreut të shtetit në vitin 2002 dhe pjesëtar në negociatat për zgjedhjen e presidentit në 2007, Fatmir Mediu kërkon që zgjedhja e zyrtarit më të lartë të shtetit të kalojë në Kuvend me konsensus. Mediu i bën thirrje opozitës në këtë rast të tregohet më objektive duke asistuar në debatin institucional dhe parlamentar.
Erjon Ajazi