Meidani: Rama nuk duhet te sulmoje Malajn per kandidimin

Ish-Presidenti i Republikes, Rexhep Meidani, nje prej figurave historike te Partise Socialiste, i konsideron te pavend sulmet ndaj kandidatit te pavarur ne Qarkun e Vlores, Arben Malaj. Ai shprehet se kandidimi i Malajt si i pavarur eshte nje vendim i drejte. “Nuk mund te akuzohet asnje individ, pavaresisht perafrimit te meparshem politik, pavaresisht se mund te kete qene i pakenaqur nga nje perzgjedhje, apo ne rastin konkret une do te thosha nje perfaqesim i nje individi, te formesuar ne politike, qe ka dhene kontributet e veta per zhvillimet ne Shqiperi, ne menyre te vecante kontribut shume te rendesishem per zhvillimin ekonomik ne Shqiperi, sidomos ne periudhen e krizes se ’97. Une do ta quaja dicka normale pjesemarrjen e tij ne Parlamentin e Shqiperise”,- shprehet ish-kreu i shtetit Rexhep Meidani. Kandidimi i pavarur i deputetit Malaj, pas perjashtimit nga listat e PS-se per deputete, eshte kritikuar nga kreu i PS-se, Edi Rama. Ne takimet qe Rama ka zhvilluar ne Vlore, u ka kerkuar votuesve te majte qe te mos e japin voten per Malajn. Nderkohe apele per votuesit kunder Malajt kane bere dhe kandidate te tjere te PS-se, ne Qarkun e Vlores. Nderkohe ish-Presidenti ka kritikuar dhe gjuhen e perdorur dhe premtimet e bera nga forcat politike gjate kesaj fushate elektorale. Duke u ndalur tek premtimet, ai thote se shume prej tyre jane te parealizueshme. “Kjo fushate e sotme eshte me konkrete, me probleme konkrete, por ka disa elemente, te cilet ne gjykimin tim, ndoshta jane dhe prodhim i situates konfliktuale brenda politikes. Eshte e mbarsur me premtime qe jane te parealizueshme dhe qe sjellin nje zhgenjim tek elektorati shqiptar, tek elektorati shqiptar”, -thote Meidani. Ai shprehet se premtimet e bera nga dy kampet shtohen edhe si pasoje e rivalitetit. “Ne te dy rastet ne ndeshim qe ka premtime dhe nese nje krah fuqizon premtimet edhe krahu tjeter eshte i detyruar te fuqizoje premtimet e veta. Natyrisht, ky eshte nje aspekt jo teper pozitiv per ndikimin qe ka sjelle politika te qytetaret”,- shprehet ish-Presidenti, Rexhep Meidani.

DEKLARATA

“Nuk mund te akuzohet asnje individ, pavaresisht perafrimit te meparshem politik, pavaresisht se mund te kete qene i pakenaqur nga nje perzgjedhje, apo ne rastin konkret une do te thosha nje perfaqesim i nje individi, te formesuar ne politike, qe ka dhene kontributet e veta per zhvillimet ne Shqiperi, ne menyre te vecante kontribut shume te rendesishem per zhvillimin ekonomik ne Shqiperi, sidomos ne periudhen e krizes se ’97”,- tha Meidani.