Messi nuk është ylli i vetëm i Barcelonës

Mesfushori Thiago Alcantara ka insistuar se Lionel Messi nuk është ylli i vetëm i Barcelonës, pasi mendon se edhe bashkëlojtarët Andres Iniesta dhe Xavi janë në nivel pothuajse të njëjtë me argjentinasin.

“Leo Messi është më i miri në botë, por ka edhe të tjerë që nuk janë aq të këqij. Njëri shënon gola, kurse të tjerët bëjnë pasimin e fundit. Nuk shoh shumë dallim mes Iniestës, Messit dhe Xavit”, deklaroi Thiago për ueb faqen zyrtare të Barcelonës.

Messi ka realizuar 26 gola në 20 paraqitje zyrtare për Barcelonën këtë stinor.